بیست ءُ چار گھنٹہ ٹی کورونا دین انا 4084کیس، 100مرک رپورٹ، غٹ آن زیات مرک پنجاب آن پد خیبرپختونخوا ٹی ریکارڈ کننگا، نیشنل کمانڈ اینڈ آپریشن سینٹر

اسلام آباد۔ 30 مارچ (اے پی پی) تدوک آ بیست ءُ چار گھنٹہ ٹی کورونا دین انا سوب پنجاب آن پد خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 100 مرک مس، ہرافتیان 33 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 4 ہزار 84 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 67 درسد، لاہور اٹی 63درسد، گوجرانوالہ ٹی 60 درسد و اسلام آباد اٹی 67 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیاکورونا نا مثبت کیس آتا تناسب نا لحاظ اٹ پشاور اٹی 81 درسد، سوات اٹی 84درسد، گجرات اٹی 74 درسد و گوجرانوالہ ٹی 85 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 46 ہزار 269ٹیسٹ کننگا ہرافتیان سندھ اٹی 9 ہزار 30، پنجاب اٹی 23 ہزار 664، خیبرپختونخوا ٹی 6 ہزار 2، اسلام آباد اٹی 6 ہزار 126، بلوچستان اٹی 466، گلگت بلتستان اٹی 257، آزاد کشمیر اٹی 724 ٹیست اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 6 لکھ 278مسنے۔ بلوچستان، گلگت بلتستان و آزاد کشمیر اٹی کوویڈ۔ 19 نا اسہ ناجوڑ اس ہم داوخت آ وینٹیلیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 413ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 48 ہزار 566ءِ۔ مچ آ ملک اٹی کورونا دین آن زہمی بندغ آتا کچ 6لکھ 63ہزار 200ءِ ہرافتیان آزاد کشمیر اٹی 12ہزار 549، بلوچستان اٹی 19ہزار 535،م گلگت بلتستان اٹی 5 ہزار 16، اسلام آباد اٹی 57ہزار 204، خیبرپختونخواٹی 86ہزار 44، پنجاب اٹی 2 لکھ 17 ہزار 694و سندھ اٹی 2لکھ 65 ہزار 158ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 14 ہزار 356ءِ ہرافتیان سندھ اٹی 4 ہزار 495مرک وخت اس کہ تدوک آ بیست ءُ چار گھنٹہ ٹی 4 ناجوڑ ہسپتال آتیٹی دا دین آن زوال کریر۔ پنجاب اٹی 6 ہزار 319مرک وخت اس کہ تدوک آ بیست ءُ چار گھنٹہ ٹی 66 ناجوڑ ہسپتال آتیٹی و 7 ناجوڑ اُراتیٹی قرنطینہ ٹی دا دین آن زوال کریر۔ خیبرپختونخوا ٹی 2 ہزار 319وخت اس کہ تدوک آ بیست ءُ چار گھنٹہ ٹی 17 ناجوڑ ہسپتال آتیٹی وخت اس کہ اسہ ناجوڑ اس اُراٹی قرنطینہ ٹی دادین آن زوال کرے، اسلام آباد اٹی کل563مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دادین آن زوال کریر، بلوچستان اٹی 207مرک وخت اس کہ تدوک آ بیست ءُ چار گھنٹہ ٹی 1ناجوڑ اس ہسپتال اٹی دا دین آن زوال کرے، گلگت بلتستان اٹی 103مرک آزاد کشمیر اٹی دا دین آن 350مرک تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر۔ داتم اسکان مچ آ ملک اٹی کوویڈ۔ 19 نا 1 کروڑ 15 لکھ 3 ہزار 364ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 631ہسپتال آتیٹی 3 ہزار 749ناجوڑ درمان مننگ ءُ۔