جامع مذاکرات آن بیدس اوغانستان نا ویل انا ہچ ءُ آخبتی ایسر اس اف، وزیر خارجہ مخدوم شاہ محمود قریشی

دوشنبے۔ 30مارچ (اے پی پی) وزیر خارجہ مخدوم شاہ محمود قریشی پارینے کہ جامع مذاکرات آن بیدس اوغانستان نا ویل انا ہچ ءُ آخبتی ایسر اس اف۔ سے شنبے نادے آ دوشنبے ٹی نہہ می ہارٹ آف ایشیااستنبول پراسس دیوان نا بابت میڈیا تون گپ وتران کرسا وزیر خارجہ پارے کہ امن کن پاکستان نا کوشست آتے دنیا چاہک، نن آخبت آ نظر تخانن، ہراتم ڈیہہ ٹی امن مریک تو ننا سوگو علاقائی رابطہ غاتا سوچ مون آ کاہک۔ شاہ محمود قریشی پارے کہ داہیت آ غٹ امنا ءُ کہ جامع مذاکرات آن بیدس اوغانستان نا ویل انا ہچ ءُ آخبتی ایسر اس اف۔ پاکستان کیہی سال آتیان ہندا پارسا بننگ ءِ کہ اوغانستان نا ویل انا ہچ ءُ فوجی ایسر اس اف و داسہ دا ہیت غٹ ءِ ذہین نشین مسنے ہراکہ بھاز بھلو سرسہبی اسے۔ وزیر خارجہ پارے کہ ای دااسُل پاپرہ کہ داوڑکننگ آسان مریکیقینا مشکل ارے ولے ننے مون آ ہنوئی مریک۔ وزیر خارجہ پارے کہ درو کنا ترک وزیر خارجہ تون جوان ءُ نشست اس مس، استنبول کانفرنس نا بابت گپ وتران مس وخت اس کہ اینو کنا اوغان صدر و اوغان وزیر خارجہ تون ہم اوڑدہی طے ءِ۔