اسلام آباد۔ 30 مارچ (اے پی پی) چیئرمین سینیٹ محمد صادق سنجرانی تون اٹلی نا سفیر آندریاس فیراریس پارلیمنٹ ہاؤس اٹی اوڑدہی کرے۔ سینیٹ سیکرٹریٹ نا رداٹ اٹلی نا سفیر چیئرمین سینیٹ ءِ اٹلی نا وزیراعظم، پارلیمان و خاص وڑاٹ اٹلی نا سینیٹ نا صدر و الس نا کنڈآن نیک است خواہی تا کلہو ءِ ترسا مبارکبادی تس۔ اوڑدہی ٹی تین پہ تینی است خواہی نا باندات آ سرجم گپ وتران کننگا۔ اوڑدہی ٹی محمد صادق سنجرانی پارے کہ ہڑتوم آ ملک آتا نیام اٹ پارلیمانی بشخ آتیٹی کمکاری و ادارہ جاتی کمکاری آ زور شاغنگا۔ پاکستان و اٹلی جہانی فورم تیا کمکاری ءِ مون آ دننگ کن پین کوشست آتے ترند کننگ نا بھلو گنجائشت اس ساڑی ءِ۔ اوپارے کہ ہڑتوم آ ملک آتا نیام اٹ چندی بشخ آتیٹی واپار نا بھلو وارخواہی اس ساڑی ءِ۔ اٹلی ءِ یورپی ملک آتیٹی نمان ہند اس دوئیءِ۔ داوخت آ اٹلی نا سفیر پارے کہ پاکستان اٹی جمہوریت ءِ مون آ دننگ انگ ءِ۔ پاکستان اٹی زرکاری نا بھلو وارخواہی اس ساڑی ءِ اوفتیان پبی فائدہ ہرفنگک۔
