اسلام آباد۔ 30 مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسد عمر غٹ بنجائی اکائی تے چھٹی اس نوشتہ کرینے ہراٹی کورونا نا بگڑینگوک آ حالیت آتیان معلومدار کننگانے۔ چھٹی ٹی پاننگانے کہ کورونا نا ساڑی آ ریشہ بھاز ترندی اٹ تالان مننگ ءِ، احتیاط کننگتو تو سخت فیصلہ ہلنگ مریک۔ اسد عمر چھٹی ٹی نوشتہ کرینے کہ مچ آ ملک اٹی مثبت کیس آتا تناسب گڑتی نا کچ آن ودنگ ءِ این سی او سی فیڈر ٹینگیونٹ آتا سلابت اٹ داحالیت آتیا بھاز نظر تخانے۔ اونوشتہ کرے کہ کورونا نا اولیکو و ارٹ میکو ریسہ ٹی غٹ فیڈریٹنگیونٹ آک جوان ءُ کارکڑد اس نشان تسر۔ ولے ساڑی آ مسٹ میکو ریسہ ٹی ایس او پی تا نفاذ نزور مسنے، خاص وڑاٹ سیاسی و راجی مچی تیٹی این سی او سی نا پارت آتا خلاف ورزی مون آ بسنے۔ اونا پاننگ ئس کہ این سی او سی نا پارت آتا خلاف ورزی ءِ ایلو بشخ آتیٹی ہم ایس او پی تا گچین نفاذاٹ اڑاند شاغنگ ءِ، خواست کرینے کہ پارت آتیا ہر حال اٹ عمل درآمد ءِ پک کیر۔
