پاک فضائیہ نا سروک ایئرچیف مارشل ظہیر احمد بابر نا نیول ہیڈکوارٹرز نا دورہ

اسلام آباد۔ 30مارچ (اے پی پی) پاک فضائیہ نا سروک ایئر چیف مارشل ظہیر احمد بابر نیو ل ہیڈکوارٹرز نا دورہ ءِ کرے ہراڑے پاک بحریہ نا سروک ایڈمرل محمد امجد خان نیازی شرفمند آ مہمان ءِ بخیر کرے۔ ترجمان پاک بحریہ نا رداٹ پاک فضائیہ نا سروک ءِ پاک بحریہ نا چاق و چوبند دستہ گارڈ آف آنر پیش کرے۔ شرفمند آ مہمان نیول ہیڈکوارٹرز اٹییات گار شہداء آ پھل آتا چادر اس شاغا۔ اونا پرنسپل اسٹاف آفیسر آتون درستی راستی ءِ کرفنگا۔ اوکان پد سروک پاک فضائیہ امیر البحر تون اوڑدہی کرے و کسبی باندات آ گپ وتران کریر۔ نیول چیف ایئر چیف مارشل ظہیر احمد بابر سدھو ءِ پوسکن آ زمواری تے سنبھالنگ آ مبارکبادی تس و اوڑکن نیک است خواہی تا درشانی ءِ کرے۔ امیر البحر داعزم انا درشانی ءِ کرے کہ پاک بحریہ سلہہ بند فوج انا اسیجائی بشخ آتیٹی کمکاری و ہم آہنگی کن تینا پبی کڑد ءِ ادا کرسا کیک۔ ایئر چیف ڈیہہ ٹی سمندری رکھ اکن پاک بحریہ نا کسبی لائخی و کارکڑد نا ستاءِ کرے۔ سروک پاک فضائیہ کسبی امور اٹ پاک بحریہ نا پبی کمکاری نا ستاءِ کرے و نیک است خواہی تا درشانی آ نیول چیف نا منت واری ءِ ہرفے۔