ملک اٹی کورونا کیس آتا مثبت کچ 8.83درسد ءِ، وزیراعظم نا خصوصی کمکار قومی جان جوڑی ڈاکٹر فیصل سلطان

اسلام آباد۔ 30 مارچ (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ ملک اٹی کورونا کیس آتا مثبت کچ 8.83درسد ءِ۔ سے شنبے نادے آ وزارت جان جوڑی نا کنڈآن جاری بیان نا رداٹ ڈاکٹر فیصل سلطان پارے کہ بنجائی دارالحکومت اسلام آباد اٹی کورونا نا مثبت کیس آتا کچ 12.31درسد ءِ۔ اوپارے کہ پنجاب اٹی کورونا نا مثبت کیس آتا کچ 10.43، خیبرپختونخوا8.55، سندھ اٹی 2.98، بلوچستان اٹی 2.15، آزاد کشمیر اٹی 8.98و گلگت بلتستان اٹی 2.33درسد ءِ۔