کورونا دین انا مسٹ میکو ریسہ ترندی اٹ تالان مننگ ءِ، کورونا دین اتون مون تننگ کن گچین گام گیج آتے پک کننگ اُن، ڈاکٹر فیصل سلطان

اسلام آباد۔ 30مارچ (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ کورونا دین انا مسٹ میکو ریسہ ترندی اٹ تالان مننگ ءِ، کورونادین اتون مون تننگ کن گچین گام گیج آتے پک کننگ اُن،کورونا دین انا تالانی نا سوب آن ہسپتال آتیا ناجوڑ آتا بھاریم ودنگ ءِ و الس رکھی گام گیج آتیا سختی اٹ عمل کے۔ داخیال آتا درشانی ءِ او سے شنبے نادے آ فیڈرل جنرل ہسپتال چک شہزاد نا اناگت دورہ ءِ کننگ نا وخت آ کرے۔ خصوصی کمکار ہسپتال اٹی کورونا دین انا ناجوڑ آتیکن جتا کروک آ سراتی تا جاچ ءِ ہلک۔ داوخت آ ڈاکٹر فیصل سلطان پارے کہ کورونا دین انا مسٹ میکو ریسہ ترندی اٹ تالان مننگءِ۔ کورونا دین اتون مون تننگ کن گچین گام گیج آتے پک کننگ اُن۔ کورونا دین انا تالانی نا سوب آن ہسپتال آتیا ناجوڑ آتا بھاریم ودنگ ءِ۔ اوشاری تیان خواست کرے کہ کورونا ایس او پی تیا سختی اٹ عمل کیر۔ کورونا دین آن زہمیناجوڑ آتیکن درمان کن گچین گام گیج آتے پک کیر۔ راجی فاصلہ ءِ پک کیر۔ ماسک ءِ ضرور کاریم اٹ اتیر۔ مچی کروک آ جاگہ غاتیا ہِننگ آن پاناد کیر۔