پاکستان نا ہلوک آ کورونا ویکسین نا اولیکو کھیپ اینو پاکستان آ سرمریک، بنجائی وزیر ڈٹ بندی شونداری و اصلاحات و خصوصی گام گیج اسد عمر

اسلام آباد۔ 30مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ پاکستان نا ہلوک آ کورونا ویکسین نا اولیکو کھیپ اینو پاکستان آ سرمریک، بھلو کچ اسے آ بروک آ ویکسین آن 30لکھ ڈوز پاکستان اٹ جوڑ مریک، کین سینوویکسین نا ٹرائل نا مسٹ میکو ریسہ ٹی پاکستان شریک مسوسس۔ اوسے شنبے نادے آ تینا ٹویٹ اٹی پارے کہ پاکستان نا ہلوک آ کورونا ویکسین نا اولیکو کھیپ اینو پاکستان آ سرمریک، پاکستان اولیکو وار ویکسین اسے نا ٹرائل نا حصہ جوڑ مسنے۔ اوپارے کہ پاکستان اپریل نا نیام اسکان بھلو کچ اسے آ کین سینو ویکسین ہلیک، ویکسین نا ڈوز جوڑ کننگ کن خصوصی ازباب ہلکونن۔ اوپارے کہ ویکسین نا ڈوز پاکستان اٹ جوڑ مریک و پیک مریک۔ بھلو کچ اسے آ بروک آ ویکسین آن 30لکھ ڈوز پاکستان اٹ جوڑ مریک۔