اسلام آباد۔ 29 مارچ (اے پی پی) وزیر ڈٹ بندی و شونداری و خصوصی گام گیج اسدعمر نا کماشی ٹی رشکئی اسپیشل اکنامک زون نا بابت دیوان اٹی دا پڑو کننگانے کہ حکومت سی پیک نا رداٹ کل 42.2ملین ڈالر نا زرکاری اتون رشکئی اسپیشل اکنامک زون (ایس ای زیڈ) نا مسہ یونٹ جوڑ کننگ نا ڈٹ اس جوڑ کرینے۔ اوداہم پڑو کرینے کہ اسٹیل پلانٹ نا اولیکویونٹ تفنگ انگ ءِ و داڑکن مشینری زوت درآمد کننگک۔ اولیکو ریسہ ٹی 79 ملین دالر نا زرکاری اتون اولیکویونٹ ءِ جوڑ کننگک ہراٹی 500,000ٹن ریبار/کنسٹرکشن اسٹیل تیار کننگک۔ وخت اس کہ ارٹ میکو ریسہٹی 77ملین ڈالر نا زرکاری اتون صنعتی اسٹیل نا تیاری کن اسہ پینیونٹ اس جوڑ کننگک۔ دا دیوان اٹی ایس ای زیڈ اٹ کاریم نا پیش رفت خاص وڑاٹ زون ءِ گیس و بجلی نا فراوانی نا بابت معلومدار کننگا۔ وخت اس کہ حکومت آن اومیت ظاہر کننگاکہ او اینخو سال انا ایسر اسکان گیس و بجلی نا فراوانی نا لین تے پورو کیک۔