بیست ءُ چار گھنٹہ ٹی کورونا دین انا 4525کیس، 41 مرک رپورٹ، غٹ آن زیات مرک خیبرپختونخوا غان پد پنجاب اٹی ریکارڈ کننگا، نیشنل کمانڈ اینڈ آپریشن سینٹر

اسلام آباد۔ 29مارچ (اے پی پی) تدوک آ بیست ءُ چار گھنٹہ ٹی کورونا دین انا سوب آن خیبرپختونخوا غان پد پنجاب اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیستءُ چار گھنٹہ ٹی کورونا دین آن 41 مرک مس ہرافتیان 12 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 4 ہزار 525بندغ آتا کوویڈ۔ 19 ٹیسٹ مثبت بس۔ ملک انا 4 بھلا شارتیٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 67 درسد، لاہور اٹی 52 درسد، گوجرانوالہ ٹی 60 درسد و اسلام آباد اٹی 64 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹی 78 درسد، سوات اٹی 73 درسد، گجرات اٹی 70 درسد و گوجرانوالہ ٹی 85 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 40 ہزار 369ٹیسٹ کننگا ہرافتیان سندھ اٹی 9 ہزار 140، پنجاب اٹی 15 ہزار 780، خیبرپختونخوا ٹی 8ہزار 196، اسلام آباد اٹی 5 ہزار 359، بلوچستان اٹی 758، گلگت بلتستان اٹی 377، آزاد کشمیر اٹی 759 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 5 لکھ 98 ہزار 197مسنے۔ بلوچستان، گلگت بلتستان و آزاد کشمیر اٹی کوویڈ۔19 نا اسہ ناجوڑ اس ہم دا وخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 387ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 46 ہزار 663ءِ۔ مچ آ ملک اٹی کورونا دین آن زہمی بندغ آتا کچ 6 لکھ 59 ہزار 116ءِ ہرافتیان آزاد کشمیر اٹی 12 ہزار 484، بلوچستان اٹی 19 ہزار 525، گلگت بلتستان اٹی 5 ہزار 10، اسلام آباد اٹی 56ہزار 450، خیبرپختونخوا ٹی 85ہزار 531، پنجاب اٹی 2 لکھ 15ہزار 227، و سندھ اٹی 2 لکھ 64 ہزار 889ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 14 ہزار 256ءِ ہرافتیان سندھ اٹی 4 ہزار 491مرک۔ پنجاب اٹی 6 ہزار 246مرک وخت اس کہ تدوک آ بیست ءُ چار گھنٹہ ٹی 16ناجوڑ ہسپتال آتیٹی و 1 ناجوڑ اس اُراٹی قرنطینہ ٹی دا دین آن زوال کرے، خیبرپختونخوا ٹی 2 ہزار 301وخت اس کہ تدوک آ بیست ءُ چار گھنٹہ ٹی 17 ناجوڑ ہسپتال آتیٹی وخت اس کہ اسہ ناجوڑ اس اُراٹی قرنطینہ ٹی دادین آن زوال کرے، اسلام آباد اٹی کل 561مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر، بلوچستان اٹی 206مرک، گلگت بلتستان اٹی 103مرک، آزاد کشمیر اٹی دا دین آن مرک تدوک آ بیست ءُ چار گھنٹہ ٹی 3 ناجوڑ ہسپتال آتیٹی وخت اس کہ اسہ ناجوڑ اس اُراٹی قرنطینہ ٹی دا دین آن زوال کرے۔ داتم اسکان مچ آ ملک اٹی کوویڈ۔ 19 نا 1 کروڑ 10 لکھ 7 ہزار 95 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 631ہسپتال آتیٹی 3 ہزار 648ناجوڑ درمان مننگ ءُ۔ ہنداوڑاٹ ملک انا چندی ضلع غاتیٹی ہراڑے کورونا نا مثبت کیس آتا تناسب زیات ءِ اوفتے ٹی گجرات اٹی 7 درسد، بہاولپور اٹی 8 درسد، فیصل آباد اٹی 15 درسد، گوجرانوالہ ٹی 10 درسد، لاہور اٹی 17درسد، منڈی بہاؤالدین 11 درسد، ملتان اٹی 12 درسد، اوکاڑہ 9 درسد، رحیمیار خان 9 درسد، راولپنڈی ٹی 15 درسد، سرگودھا12 درسد، سیالکوٹ 12 درسد، ٹوبہ ٹیک سنگھ اٹی 9 درسد، پشاور اٹی 22 درسد، سوات 23 درسد، نوشہرہ 19 درسد، لوئر دیر اٹی 8 درسد، مالاکنڈ اٹی 12 درسد و صوابی ٹی 12درسد تناسب ءِ۔