اسلام آباد۔ 29مارچ (اے پی پی) پاک بحریہ نا جہاز پی این ایس عالمگیر و پی این ایس عظمت قطر انا دورہ ءِ کریر۔ دوحہ غا بننگ آ قطر امیری نیول فورس اناسینئر آفیسر آک پاک بحریہ نا جہاز آتے جم وجوش اٹ بخیر کریر۔ ترجمان پاک بحریہ نا رداٹ مشن کمانڈر میزبان کمامدارآتون اہم اوڑدہی کریر و تین پہ تینی است خواہی نا امور بشمول ہڑتوم آ کنڈآتا …
پاک بحریہ نا جہاز پی این ایس عالمگیر و پی این ایس عظمت نا قطر انا دورہ
گیشتریں ھال
اسلام آباد۔ 29مارچ (اے پی پی) پاک بحریہ نا جہاز پی این ایس عالمگیر و پی این ایس عظمت قطر انا دورہ ءِ کریر۔ دوحہ غا بننگ آ قطر امیری نیول فورس اناسینئر آفیسر آک پاک بحریہ نا جہاز آتے جم وجوش اٹ بخیر کریر۔ ترجمان پاک بحریہ نا رداٹ مشن کمانڈر میزبان کمامدارآتون اہم اوڑدہی کریر و تین پہ تینی است خواہی نا امور بشمول ہڑتوم آ کنڈآتا بحری کمکاری نا مون آ دننگ آ گپ وتران کریر۔ پاک بحریہ و قطر امیری نیول فورس آتا جہاز آتا اسیجائی بحری مشق اسد البحر نا انعقاد مس۔ مشق اٹی پی این ایس عالمگیر و پی این ایس عظمت قطر امیرینیول فورس و قطر امیری ایئر فورس انا جہاز آتون اوار بشخ ہلکر۔ مشق اٹی چندی آپریشن تا عملی درشانی ءِ کننگا۔ پاک بحریہ ڈیہہ نا میری ٹائم سیکورٹی ءِ پک کننگ اٹ تینا پبی کڑد ءِ ادا کننگ ءِ۔ پاک بحریہ نا جہاز آتا قطر انا دورہ و مشق انا اڈتننگ آن ہڑتوم آ ملک آتا بحری و فضائی فوج آتا نیام اٹ کمکاری ءِ پین مون آ دننگک۔
