ساڑی آ کبینی نا سوب مسکوہی حکمران تا وڈی خوری ءِ، ڈاکٹر فردوس عاشق اعوان

سیالکوٹ۔ 29 مارچ (اے پی پی) وزیراعلیٰ پنجاب نا خصوصی کمکار حوالکاری ڈاکٹر فردوس عاشق اعوان پارینے کہ ساڑی آ کبینی نا سوب مسکوہی حکمران تا وڈی خوری ءِ، ہرافک وام ہلسا اورنج ٹرین و میٹروبس کون آ نمائشی ڈٹ آتا کمک اٹ الس تون درو کننگا، تدوک آ حکومت آک ارب آ ڈالر نا وام ہلسا ملک ءِ وامدار کریر و زرگزران نا جنازہ ءِ کشار و داسہ داوخت بسنے کہ ہلوک آ وام تا قسط آتا زرتس اکن پین وام ہلوئی تمنگ ءِ، حکومت دا چیلنج آتون مون تننگ ءِ و ملک ءِ وام تا مین آن کشنگ کن کوشست کننگ ءِ و زوت حکومت کبینی تون اوار غٹ مون تروک ویل آتا مون ءِ تورک و دا مشکل وخت زوت چٹنگ والا ءِ۔ اوپارے کہ مسکوہی حکمرانک ککر نا درخت خلسا الس ءِ امب انا میوہ نشان تسر و اوفتے دھوکہ ٹی تخار۔ داخیال آتا درشانی ءِ او تینا دورہ ہیڈمرالہ نا وخت آ ڈھلے والی ٹی پسوال فارم ہاؤس ڈھلے والی ٹی جلسہ غان تران کرسا کرے۔ مسکوہی وزیر آزاد جموں و کشمیر صاحبزادہ حامد رضا، شاہد پسوال، چوہدری عبدالمجید ایڈووکیٹ ئسک ہم دود آن تران کرسا علاقہ نا ہندی ویل آتے مون آ تخار و اوفتا ایسری آ زور شاغار۔ داوخت آ مسکوہی اومیتدار چیئرمین ہیڈ مرالہ چوہدری کامران نذیر، مسکوہی ناظم ملک محمد خان، اشفاق بھٹی، مسکوہی ناظم،ملک شمس الحق کھوکھر وائس چیئرمینیوسی مونگڑ، قاری رفیق گجر، چوہدری ظفرگوندل، ملک خالد اومیتدار ایم ایلاے، ملک نذیر، چوہدری منورراں صدر پی ٹی آئی تحصیل سیالکوٹ، جہانگیر قادری، عرفان بھٹی و ملک لقمان شفیق ایڈووکیٹ تون اوار شرفدار آ علاقہ بھلو کچ اسے ٹی ساڑی ئسر۔ داکان مست ڈاکٹر فردوس عاشق اعوان ہیڈ مرالہ ٹی پی ٹی آئی راہشون ملک عابد حسین نا ایلم تا برام اٹی بشخ ہلک۔ ڈاکٹر فردوس عاشق اعوان تینا دورہ نا وخت آ ہیڈ مرالہ نا ہندی صحافی تتون اوڑدہی کرے و اوفتا ویل آتا ایسری نا باوری کرفے۔