سپکر قومی اسمبلی اسد قیصر ءَ جانی خیل ءَ چار ورنا آنی کوش ءِ  واکیہ ءِ سرجمیں رپوٹ گوانک  جتگ

اسلام آباد۔29مارچ  (اے پی پی):سپیکر قومی اسمبلی اسد قیصر  ءَ بنوں ءِدمگ  جانی خیل  ءَ چار ورنا آنی کوش ءِ واکیہ ءِسرجمیں رپوٹ  گوانک جتگ وھدیکہ اے ھوالگ ءَ  کتگیں منوگری ءِسرجمیں رپوٹ پیش کنگ ءِپنت ءُ شون کتگ۔  دو شمبے ءَ راجی اسمبلی ءِ  دیوان ءِ ساھت ءَ  قومی اسمبلی زہددرانی  ءَ گوشت کہ آئی ءِدمگ ءَ چار ورنا آناں کوشگ ءُ گار کنگ بوتگ۔  اے یک اپسوزی وئیل ات۔  اے واکیہءِزمہ واریں مردم آناں  آپی سنگ ءَ رسینگ بہ بیت۔  سپیکر قومی اسمبلی ءَ مزن وزیر ءِ مشیر برائے کیساسگری ءُ توکی کار بیرسٹر شہزاد اکبر ءَ  را گوشت کہ اے ھوالگ ءَایوان ءَ را سرپد بکن۔ بیرسٹر شہزاد اکبر ءَ ایوان ءَ را گوشت کہ اے جیڈھ ءِ ھوالگ ءَ صوبائی حکومت ءِ گوما رابطہ ءَ آں۔ صوبائی حکوم ت ءِگوما اے ھوالگ ءَ یک منوگری ءِبوتگ۔  سرجمیں رپوٹ زوت ایوان ءَ پیش کنگ بیت ایشی ءِ پد ءَ سپیکر راجی اسمبلی ءَ گوشت کہ اے رنگیں جیڈھ آناں گر ءُ دار ءِ واستہ  گامگیج  چست کنگ بہ بیت۔ نوں ایوک ءَایکشن  گندگ بہ بیت۔  منوگری آناں پد ءُ رند کنائینگ بہ بیت۔  آئی  ءَ گوشت کہ گمیگیں ھاندان ءِ ڈکھ ءَ بروبرئی ءَ ھمبراہ دار آں۔  اے واکیہ ءَ گوں دست مانجنیں  مردم آناں گڈی آپ سر ءَ  رسینگ  بہ بیت  ءُ آواں گوں اچ رنگیں رعایت کنگ  مہ بیت۔ بیرسٹر شہزاد  اکبر زاتی رنگ ءَ اے جیڈھ ءِ نگرانی  ءَ بکنت۔