اسلام آباد۔29مارچ (اے پی پی): مزن وزیر عمران خان ءَ سعودی ولی عہد شہزاد محمد بن سلمان ءِ ایٹماسپیئر ءِ رکھینگ ءِ واستہ “گرین سعودی عرب، “گرین رودراتک” ءِ گامگیج آناں وش اتک کتگ۔ مزن وزیر عمران خان ءِ دو شمبے ءَ وتی یک ٹویٹے ءِ اندر ءَ سعودی ولی عہد ءِ نام ءَ وتی نمدی شیئر کنان ءَ ایٹماسپیئر ءِ رد ءَ گامگیج ءِ واستہ پاکستان ءِ نیمگ ءَ کمک آنی پیشوکی گوشتگ۔ مزن وزیر ءَ وتی نمدی ءَ گوشت کہ موسمی مٹ ءُ بدلی ءِ رکھینگ ءِ واستہ ولی عہد شہزادہ ءِ ویژن پاکستان ءِ گوما ھمگونگی کنت۔ مزن وزیر عمران خان ءَ گوشت کہ 2014 ءَ بگر تاں 2018 ءَ تاں کامیاتی ءِ گوما یک ارب درچک کشگ ءَ چہ پد نوں مئے دھ بلین ٹری سونامی ءِ منصوبگ سرجمیں ملک ءَ چہ جاڑی انت۔ آئی ءَ گوشت کہ پاکستان 2023 ءَ تاں ایش شاھیگانی کنت۔ مزن وزیر ءَ گوشت کہ درچک کشگ ایٹماسپیئر ءُ موسمی مٹ ءُ بدلی ءَ گوں گر ءُ چیل ءِ واستہ ایکو سسٹم ءَ برجا دار ایت ایشی ءَ چہ ایکو ٹورازم ءِ تہ ءَ گیشی بیت ءُ ورنا آنی واستہ ہزاری روزگار ءِ موہ پیداک بنت۔ آئی ءَ گوشت کہ 2023 ءَ تاں مئے ھاٹیگ ءِ شست درسد ساپیں ھاٹیگ ءِ سر ءَ بیت۔ آئی ءَ گوشت کہ پاکستان ءُ سعودی عرب ءِ نیام ءَ موسمی مٹ ءُ بدلیءِ پڑ ءَ کمک گندگ بیت، آئی ءَ گوشت ایش گیش ودینگ لوٹ انت۔ مزن وزیر عمران خان ءَ سعودی فرمانرو سلمان بن عبدالعزیز ءِ واستہ نیکیں واھگ آنی درشان کت۔ مزن وزیر ءَ گوشت کہ 2014 ءَ چہ 2018 ءِ ساھت ءَ ما یک ارب درچک کشتگ، منصوبگ ءَ چہ ایکوٹورزم ءُ روزگار ءِ موہ پیداک بنت۔ سعودی عرب ءِ گرین منصوبگ ءِ کمک ءَ کن آں۔
