منٹوپارک ۔پریڈ گراؤنڈ   ءَ چہ یاتگار پاکستان ءَ تاں

رپورٹ:اورنگزیب اسلم بلوچ

لاہورشہر ءَ را  وتی دود ءُ ربیدگی ءُ تاریخٰی شرپ ءِ سبب ءَ مُدام یک جتائیں بستار ءِ است انت۔  شررنگیں پارک، شر رنگیں ماڑی،  ءُ بے مٹیں دود ءُ ربیدگ ءِ سببءَ یک دور، غوری دور، غزنوی ءُ مخلدور حکومت ءَ ایشرا یک بنجاھی بستار ءِ است انت۔  بادشاہی مسیت، شاہی قلعہ، شالامار گارڈن ءُ ایندگر یاتگیریں اے زمانگ ءِ یات ءَ گیج ایت ءُ مرچی ھم ھمک امبر ءِ مردم آنی واھگ ءِ سبب ءِ ، اے توامیں راجدپتر ءُ دود ءُ ربیدگی مڈی ءِ ارزشت وتی جاہ ءَ  پدا اے یاتگیری ماڑی آنی تہ ءَ مینار ءِ پاکستان  درستاں  چہ جتا انت۔ منٹو پارک ءَ جوڑیشت بوتگیں اے مینار ھمے جاہ ءَ جوڑیشت کنگ بوتگ  اے قرار داد پاکستان منظور  کنگ بوتگ۔  اے وتی  شر رنگی  ءُ جتا ئی ءِ گوما برصغیر  ءِ مسلمان آناں یک جتائیں مادر وطن ءِ  در جنگ ءِ وتی شرپ مندیں کامیاتی ءِ یات ءَ گیج ایت۔

منٹو پارک، لاہور  ایشرا  نوں گریٹر اقبال پارک ءِ نام ءَ زانگ بیت،  22 تاں 24 مارچ، 1940 ءِ آل انڈیا مسلم لیگ ءِ سئے روچی جنرل دیوان ءِ جاہ ءِ رنگ ءَ گچین کنگ بوتگ ءُ پدا ھمے جاہ ءَ مسلم لیگ ءِ دیوان ءَ  منوگری  پاکستان منظور کنگ بوتگ۔ اے منوگری ءَ ہندوستان ءِ مسلمان آنی واستہ جتا جتائیں ریاست ءِ در جنگ ءِ واستہ جہد ءُ کوشست ءِ  کشک ءَ را  آسودگ کتگ ءُ اے واب 14 اگست 1947 ءَ سرجم بوتگ۔ ھمے ھاترا 23 مارچ، 1940 تحریک  پاکستان ءِ تاریخ ءِ یک  بنیاتی ھشت  ءِ جوڑ بوتگ۔ منٹو پارک ءِ  تاریخ  باز کوھنین ات گوستگیں وھد ءَ مسلمان آنی دور ءِ حکومت، سکھ ءُ برطانوی راج ءِ  دور ءَ اے گرائونڈ ءَ  ملٹری پریڈ گرائونڈ ءِ رنگ ءَ کارمرد کنگ بیت۔ اے پارک 1807 ءَ چہ 1813  ءَ  ہندوستان ءِ گورنر جنرل لارڈ گلبرٹ اہلیت مرے کینیمونڈ ءِ نام ءَ بندوک  بوتگ بلے  ایشی ءَ چہ پد ایشرا شاعر  مشرق علامہ محمد اقبال ءِ نام ءَ گوں بندوک  کنان ءَ گریٹر اقبال پارک ایر کنگ بوتگ۔

مغل باشاہ آنی دور ءَ منٹو پارک، شاہی قلعہ ءُ دریائے راوی ءِ نیام ءَ   فروٹ آنی یک ٹوھیں باگے ءَ گوں نزیکیں سبز ءُ شاتاپیں باگے بھر بوتگ۔ شاہی قلعہ لاہور ءِ نزیک  دمگ بادامی باگ ءِ نام  ھم ھمے باگ ءَ گوں بندوک کنگ بوتگ۔  برصغیر ءَ چہ در کپگ ءُ پاکستان ءِ  جوڑیشت ءَ چہ پد ، پاکستان ءِ  مسلمان آں ایشی ءِ نام  پارک  ایر کت۔

پیسریگیں پرنسپل، اورینٹل کالج، پنجاپ یونیورسٹی پروفیسر ڈاکٹر مظہر معین ءِ رد ءَ لارڈ منٹو 1807 ءَ 1813  ءِ نیام ءَ برٹش ایسٹ انڈیا کمپنی ءِ گورنر  جنرل بوتگ ءُ ایشی ءَ چہ پد اے پارک ءِ نام برصغیر ءِ  سرجمیں نوک آبادیاتی  گوست ءِ چیدگ ءُ برطانوی راج ءِ طاقت ءِ  اکس کشی ءَ کنت۔ 23 مارچ، 1940 ءِ لاہور منوگری، در حقیقت نوک آبادیاتی حکمرانی ءِ ھلاپ ءَ بغاوت ءُ مسلمان آنی واستہ جتائیں  وطن ءِ جہد ءُ کوشست ءَ کنوکیں یک لوٹ  ءِ بوتگ۔

چیئرمین شعبہ ہسٹری پنجاپ یونیورسٹی ڈاکٹ محبوب حسین ءَ گوشت کہ منٹو پارک، لاہور  ءَ آل انڈیا مسلم لیگ ءِ دیوان ءِ واستہ گچین  کنگ بازیں مول  ءُ مراد آنی سبب ءَ بوتگ، لاہور یک تاریخیی دود ءُ  ربیدگی ءُ علمی بنجاہ ءَ  بوھگ ءَ ابید  بازیں دور ءِ حکومت ءِ ساھت ءَ اقتدار ءُ طاقت ءِ بنجاھ بوتگ  ءُ اے روچاں لاہور یک مسلم  مستری شہر  ءِ بوتگ ءُ اے ھیال کنگ بوتگ کہ تاریخی ارزشت ءِ بستاریں شہر لاہور ءَ چہ بندات بوھوکیں اے تحریک ہندوستان ءِ  پراھ ءُ شاھیگانی ءَ   زوت شنگ ءُ تالان بیت۔

آئی ءَ گوشت کہ 23 مارچ ءِ مسلم لیگ ءِ مچی ءِ واستہ منٹو پارک ءِ گچین ءَ لاہور ءِ سیاسی  پشدر ءَ   گیشاں چہ گیش  ارزشتی انت چیا کہ اے مٰغل آنی دار ؒلحکومت بوتگ ءُ ہزارانی مردم آنی اے دیوان ءَ  شریکی ءِ اوست کنگل بوتگ، ڈاکٹر محبوب حسین ءَ گیش گوشت کہ پولیس آرکائیو ءَ چہ زانگ بیت کہ منٹو پارک ءِ بستار ءَ لس سیشن ءَ کساس 25000 مردم شریک بوتگ بلے راستی ایش انت کہ  ہندوستان ءِ توامیں بھر آں چہ یک لکھ ءَ چہ گیش مردم آں اے دیوان ءَ شرکت  کتگ بوتگ۔

مرچگیں گریٹر اقبال پارک  ایش یک زمانگ ءِ منٹو پارک ءِ نام ءَ  زانگ بوتگ  ءُ جد جہد آزاتی ءِ راجدپتر ءَ گوں بندوک انت۔ 125 ایکڑ رقبہ ءِ  اے پارک ءَ لاہور قلعہ، بادشاہی مسیت، رنجیت سنگھ ءِ سمدھی، رودراتکی شاعر علامہ اقبال ءِ قبر ، حفیظ جالندھری ءِ قبر،  است انت۔  لاہور ءِ تپاک نامہ ءِ یاتگار  کہ مینار پاکستان گوشگ بیت۔ ھمے  پارک ءِ بھر انت۔ اے یک خوبصورتیں  نمونگ ات کہ برصغیر ءِ مسلمان آنی آزاتیں ملک ءِ ھاترا جہد ءُ کوشست آنی یات ءَ گیج ایت۔  ایشی جوڑ بوھگ ءَ بجرئی  سنگ،  ءُ سنگ مرمر کارمرز کنگ بوتگ۔ مینار ءِ جھلی محراب آنی اسٹرکچر ءَ اسپیتیں سنگ مرمر ءِ سر ءَ  لاہور ءِ تپاک نامہ  ءُ دہلی ءِ تپاک نامہ   اردو، بنگالی ءُ انگریزی  زبان ءَ  نبشتہ انت۔ ایشی ءَ ابید اللہ تعاؒلی ءِ 99  سپاتی نام ، عربی خطاطی، علامہ اقبال ءِ لستیں شعر ، قائداعظم محمد علی جناح ءِ گشتانک ، قرآن پاک ءِ مبارکیں آیت ءُ پاکستان ءِ راجی سوت ھم اسپیتیں سنگ مرمر ءِ سر ءَ نبشتہ  کنگ بوتگ۔  اے توامیں یاتگیر برصغیر ءِ  راجدپتر ءَ   بازیں دور آنی ھوالگ ءَ انت۔ بلے گریٹر اقبال پارک  پاکستان تپاک نامہ ءِ  یک انچیں یاتگار ات کہ آئی ءَ مسلمان آناں  آزاتی ءِ آشوب ءِ نیمگ ءَ  رھادگ پرماتگ ءُ 1947 ءَ ھپت سال ءِ  کمیں وھد ءَ اسلامی جمہوریہ ءِ بن ھشت ایر کتگ۔