بلوچستان ءَ بنجاھی ادارگ آنی سئے ماھی کار کردی رپوٹ مزن وزیر ءَ را پیش 

اسلام آباد۔27مارچ  (اے پی پی):بلوچستان  ءَ بنجاھی ادارگ آنی سئے ماھی کار کردی رپوٹ مزن وزیر ءَ  را پیش کنگ بوتگ ءُ بنجاھی ادارگ آنی ٹوھیں اپسرگ آناں دیوان ءَ ساڑی بوتگ ءِ پنت  ءُ شون کنگ بوتگ  ءُ آواں گوشگ بوتگ کہ السی گہبود ءِ ھوالگ ءَ دیوان ءَ شریک نہ کنوکیں اپسرگ آنی ھلاپ ءَ ترندی ءَ گوں کاروائی  کنگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ  رد ءَ بلوچستان ءَ 17 بنجاھی ادارگ آنی اپسرگ آنی ڈیشن بورڈ  آنی سر ءَ چار ءُ تپاسی گرگ بوت۔  صوبگ ءَ بنجاھی ادارگ آناں 11000 ءَ چہ گیش شکاست رستگ انت،  90 درسد گیوار بوتگ انت، الس ءِ نیمگ ءَ 37 درسد دل یکیمی  ءِ درشان بوتگ، بلوچستان ءَ سیٹیزن پورٹل ءِ سر ءَ السی  شکاست آنی گیواری ءُ بنجاھی ادارگ آنی کار کردی رپوٹ تیار کنگ بوتگ۔ گورنر بلوچستان ءَبنجاھی ادارگ آنی کار کردی رپوٹ   روان دات ءُ بنجاھی ادارگ آنی  ٹوھیں اپسرگ آنی دیوان ءَ ھوار نہ بوھگ  شکاست کت، مزن وزیر ڈلیوری یونٹ  ءِ توامیں سیادی داروکیں اپسرگ آناں مسل جاڑی کتگ، صوبگ ءَ بنجاھی ادارگ آنی ٹوھیں اپسرگ آناں دیوان ءَ بھر زوری    المی بوھگ ءِ پنت ءُ شون کنگ بوت ءُ  آئی ءَ مکن کت کہ   ٹوھیں اپسرگ  اے رنگیں دیوان ءَ الم ساڑی بہ بنت اگاں ناں آوانی ھلاپ ءَ ترندیں کاروائی کنگ بیت۔