اسلام آباد۔26مارچ (اے پی پی): گوستگیں سلا ءَ سرجمیں ملک ءَ  پیداک بوھوکیں پیٹرولیم ڈکال ءِ رد ءَ  مزن وزیر عمران خان ءِ ھاسیں کمکار برائے پیٹرولیم ندیم بابر ءَ را اگدہ ءِ یل کنگ ءِ پنت ءُ شون کتگ، سیکرٹری پٹرولیم ءَ را ھم اگدہ ءَ چہ در کنگ ءِ سپارش کنگ بوتگ، مزن وزیر ءَ پیسلہ کتگ کہ اے ڈکال  ءِ پٹ ءُ پول  کنگ بہ بیت ھما کہ ایف آئی اے ءَ کتگ، 90 روچ ءَ ایف آئی اے فرانزک پٹ ءُ پول سرجم کنت انت۔  آدینگ ءِ روچ ءَ بنجاھی وزیر شفقت محمود ءُ شیریں مزاری ءِ ھمبراھی ءَ پریس کانفرنس ءَ گوں گشتانک  دیان ءَ کت وزیر ءِ منصوبگ بندی اسد عمر ءَ گوشت کہ پٹرول ءِ  ڈکال اولی رند ءَ نہ بوتگ بلکینگ ءَ ایشی ءَ چہ پیسر  ءَ ھم بوتگ، انوگ ءَ چہ بازیں سال پیسر سردی  ءَ ھم ڈکال اتکگ بوتگ ءُ پیٹرول پمپ ءِ ڈن ءَ لائن لگ اتگ بوتگ۔ آئی ءَ گوشت کہ مزن وزیر ءِ ڈکال ءَ چہ پد پیسلہ کنگ بوتگ کہ ایشی ءِ پٹ ءُ پول  کنگ بہ بیت ءُ ایشی ءِ زمہ واری ایف آئی اے ءَ را  دیگ بوت  آواں یک رپوٹے تیار کتگ  ایش لستیں ماہ پیسر کابینہ ءَ را پیش کنگ بوتگ۔