اسلام آباد۔26مارچ (اے پی پی): تہی کارانی وزیر شیخ رشید احمد ءَ گوشت کہ ایوان  بالا ءَ یوسف رضا گیلانی ءَ را بطور اپوزیشن الیڈر پوسٹ کنگ ءَ پد پیپلز پارٹی  ءُ مسلم لیگ (ن) ءِ اتحاد وتی گڈی سیم سر آں پج اتگ۔  آدینگ ءِ روچ ءَ جندی ٹی وی چینل ءَ گوں تران کنان ءَ آئی ءَ گوشت کہ پاکستان ڈیموکریٹک موومنٹ ( پی ڈی ایم )  ءِ گل  ھاسیں رنگ ءَ مسلم لیگ (ن) ءُ پی پی پی ءِ اندورونی  اختلاف پچ بوھان ءَ دیم ءَ اتکگ انت ءُ ایشانی تہ ءَ ھمروچ گیشی بوھگ ءَ انت۔  شیخ رشید احمد ءَ گوشت کہ پیپلز پارٹی اسمبلی آں چہ اچبر استعفا نہ دنت۔ چیا کہ  اے رنگ  ءَ آئی ءَ را سندھ حکومت ءِ قربانی دیگ کپ ایت۔ آئی ءَ گوشت کہ  اپوزیشن گل آنی جہد ءُ کوشست ایوک وتی زاتی ءُ سیاسی سیت آنی رکھینگ ءِ ھاترا  انت الس ءِ استیں جیڈھ آں گوں ایشانی اچ سیادی  نیست انت۔