واشنگٹن۔ 12مئی (اے پی پی ) امریکی وزیر خارجہ جان کیری پارینے کہ یورپی بینک ایران تون واپاری لین اٹی آجوئِ۔ سی این این تون ہیت وگپ کریسہ جان کیری پارے کہ ایران تون واپاری لین نا بابت یورپی بینک آتا گھڑتی بلاجوازئِ۔ اوپارے کہ ایران و فائیو پلس ون رڑانا نیام اٹ مروک آ ایٹمی معاہدہ نا رداٹ یورپی بینک آتا ایران آ ہِننگ آ ہچ ئُ پابندی اس اف۔ اوپارے کہ یورپی بینک ایران اٹی تینا برانچ آتے ملنگ کیک۔ ایل سی نا ضمانت ئِ تننگ کیک و حتی ایرانی تا کھاتہ غاتے ہم ملنگ کیک۔ اوپارے کہ جامع ایٹمی معاہدہ ٹی درج مروک آ واپاری لین دین ایران نا حق ئِ۔ امریکی وزیر خارجہ نا دا بیان ہندن ئُ وخت اسیٹی مون آ بسنے ہراوخت آ دنیا نا بھلا بھلا بینک آک امریکہ نا کنڈآن داوخت اسکان کروک آ بھلا جرمانہ و چندی ایلو سوب آتا بناآ ایران تون واپاری و بینکاری لین دین آن پاناد کننگ ئِ۔
