عراق اٹی داعش نزور مریسہ کننگ ئِ، امریکی جنرل

بغداد۔ 12مئی (اے پی پی) امریکی فوجی کمانڈر پارینے کہ عراق اٹی داعش نا باغی” نزور آن نزور تر مریسہ کننگ ئُ“ ہالانکہ جہادیک بغداد اٹی مروک آ مسہ خودکش بمب جلہو آتا زمہ واری ئِ امنا کرینو۔ ہرافتے ٹی کیہی بندغ آک تپاخت کریر۔ میجر جنرل گیری ولسو کی عراقی دارالحکومت اٹی مروک آ دا خونریزی آ ہڑزخواہی نا درشانی ئِ کریسہ پارے کہ اسہ دیوان اسیٹی داعش نا زیر تسلط علاقہ غاتے واگزار کرفنگ و موصل نا قطبی شارئِ فتح کننگ نا بابت عراقی کارروائی ئِ غورا ٹی اتنگا۔ ولسو کی عراق آن فون لین آ واشنگٹن آن پیشن واقع وزارت دفاع نا دفتر اٹی ساڑی اخباری نمائندہ غاتون ہیت وگپ کریکہ۔ اوپارے کہ عراقی فوج باغی تا کوزہ ٹی ہنوک آ ڈیہہ نا دُوارہ دوئی نا بابت خاصی پیش رفت کرینے۔ ساڑی آ ہفتہ غاتا وخت امریکہ پارینے کہ عراق و شام اٹی داعش نا جنگوڑوآتا برخلاف مون تروک عراقی فوج و ایلو دستہ غاک جہادی تا کوزہ ٹی علاقہ نا 40درسد واگزار کرفینو۔ واہم ، ولسو کی پارینے کہ عین ممکن ئِ کہ اعداد داکان ہم زیات مرے۔