اسلام آباد۔ 10 دسمبر (اے پی پی) بنجائی وزیر انسداد منشیات اعظم خان سواتی پارینے کہ راج آن منشیات نا لعنت نا چٹفنگ و ورناتے داڑآن بچفنگ کن ہروڑنا گام گیج کننگ اُن، وزارت انسداد منشیات نا مسخت اسہ ہندن ءُ ملک اسے نا تصور ءِ ہرا منشیات نا کاریم اٹ اتنگ، سمگلنگ و تیاری نا خطرہ غان پاک مرے۔ داخیال آتا درشانی ءِ او پنچ شنبے نادے آ داڑے منشیات نا عادتی ورناتے ذہنی درمان و ڈاکٹر آتیان مشورہ کن ہیلپ لائن نا جوڑ کننگ نا بابت ای ہیلتھ کلینک نیٹ ورک ’’ صحت کہانی‘‘ اتون مفاہمت نا یات داشت آ دستخط کننگ نا دود آن تران کرسا کرے۔ دود اٹی سیکرٹری نارکوٹکس کنٹرول شعیب دستگیر و وزارت نا بڑزکو کمامدارآک ہم ساڑی ئسر۔ بنجائی وزیراعظم خان سواتی پارے کہ وزارت انسداد منشیات اسہ ہندن ءُ ملک اسے نا تصور کیک ہرا منشیات نا کاریم اٹ اتنگ، سمگلنگ و تیاری نا خطرہ غان پاک مرے۔
