اسلام آباد۔9دسمبر (اے پی پی):صدر مملکت ڈاکٹر عارف علوی ءَ مات ءُ زھگ ءِ جان سلامتی ءُ وردن ءُ وراک ءِ گر ءُ دار ءِ ضلورت ءِ سر ءَ زور پر دیان ءَ گوشت کہ زھگ آنی ودی بوھگ ءِ تہ ءَ اوشت ءَ چہ آباتی ءِ جیڈھ ءَ را گر ءُ دار کنگ بیت کنت، اے جیڈھ ءَ گوں گیش ءُ گیواری ءِ واستہ ءِ واستہ توامیں سیادی داروکیں پریک آنی نیام ءَ روگ ءُ آیگ ءُ ٹوھیں گامیگیج سہرا کنگ ءِ ضلورت انت۔ آباتی ءِ استیں ھساب ءُ داد ءَ چہ آیوکیں باندات ءِ بابت ءَ ٹوھیں منصوبگ ءَ کمک رس ایت۔ اے ھیالانی درشانی آئی ءَ چار شمبے ءَ آباتی ءِ ھوالگ ءَ سیمینار ءَ گوں ویڈیو لنگ ءِ وسیلگ ءَ گشتانک دیان ءَ کت۔ صدر مملکت ڈاکٹر عارف علوی ءَ گوشت کہ اے وھد ءَ پاکستان ءَ را کورونا ھوپ ءِ دومی فیز ءِ گوما دیم پہ دیمی انت، مارا اے ھوپ ءَ چہ چہ رکھگ ءِ واستہ ایس او پیز آنی پد ءُ رندی کنگ ءِ واستہ رھبند آناں گوں ترندی ءَ وتی کنگ لوٹ ایت، دمپہ ساھت دست بہ شود ات، وت مہ وت گستا بہ نند ات، ماسک بہ بند ات۔ آئی ءَ گوشت کہ گریبی ءِ ھلاسی ءُ وانگ ءُ زانگ ءِ شوبگ ءِ دیمروئی ٹوھیں جیڈھ انت۔ مزن وزیر عمران خان ء۔ سروکی ءَ آیگ ءَ زوتاں چہ پد مات ءُ زھگ ءِ جان سلامتی ءِ ھوالگ ءَ جان سلامتی آسراتی ءَ را گہتر جوڑ کنگ ءِ جزم ءِ درشان کت ءُ گوشت کہ مات ءُ زھگ ءِ جان سلامتی ءُ وردن ءُ وراک ءِ کمی ءُ گر ءُ دار المی انت۔
