کوئٹہ۔ 08 دسمبر (اے پی پی) گورنر بلوچستان امان اللہ خان یاسین زئی تون کمانڈر سدرن کمانڈ لیفٹیننٹ جنرل محمد وسیم اشرف اینوداڑے گورنر ہاؤس کوئٹہ ٹی سپاروکی اوڑدہی کرے ہراٹی گورنر امان اللہ خان یاسین زئی لیفٹیننٹ جنرل محمد وسیم اشرف نا بلوچستان کن سرتروک آ خذمت آتا ستاءِ کرے۔ سپاروکی اوڑدہی نا وخت آ گورنر بلوچستان پارے کہ کمانڈر سدرن کمانڈ نا منصب نئے بیرہ اسہ بھلو زمواری اسے بلکن اسہ اعزاز اس ہم ارے۔ اودا باوری نا درشانیءِ کرسا پارے کہ پاکستان نا فوج و کانود نافذ کروک آ ادارہ غاتا گچین گام گیج و خذمت آن ملک و صوبہ ٹی نئے بیرہ پائیدار امن مریک بلکن ڈیہہ ٹی رونما مروک آ زرگزرانی سرجز آتا مون آ دننگ کن کسر ہم آوار مریک۔ داوخت آ کمانڈر سدرن کمانڈ لیفٹیننٹ محمد وسیم اشرف پارے کہ او بلوچستان نا مخلوق نا خلوص و مہرومریبت ءِ مدام یات تخک۔ گورنر بلوچستان لیفٹیننٹ جنرل محمد وسیم اشرف نا مستی سرسہبی کن نیک است خواہی نا درشانی ءِ ہم کرے۔
