اسلام آباد۔7دسمبر (اے پی پی):صدر مملکت ڈاکٹر عارف علوی ءَ گوشت کہ کورونا ءِ اولی فیز ءِ ساھت ءَ ھمے رنگ ءَ ما ڈسپلن ءُ زمہ واری آنی درشان کتگ نوں استیں جاور ھال آنی رد ءَ ھمے جوزگ ءِ رد ءَ ایس او پیز آنی پد ءُ رند کنگ ءِ ضلوررت انت، کورونا ھوپ ءَ ابید ملک ءَ معاشی ٹک پازیٹیو انت۔ اے ھیالانی درشانی آئی ءَ دو شمبے ءَ ایوان ءِ صدر ءَ یک مراگشے ءَ گوں گشتانک دیان ءَ کت۔ صدر ءِ مملکت ڈاکٹر عارف علوی ءَ گوشت کہ گرین انیشیٹیو ءِ چیر دستی ءَ اے گامگیج کنگ بوھگ ءَ انت، صدر ءِ سیٹ ءَ نندگ ءَ چہ پد ساپ ءُ سلہ ایں ملک ءِ واستہ گامگیج کتگ ایشانی تہ ءَ درچک کشگ، کنزرویشن ، ھرچ ءُ درچ آنی تہ ءَ کمی، سی ایس آر ء، رد ءَ کمک ھوار انت۔ آئی ءَ گوشت کہ ملک ءَ را جتا جتائیں چیلنجز آنی گوما دیم پہ دیمی انت، راجی ھزانت ءِ سر ءَ بار لڈگ ءِ مٹ ءَ سی ایس آر ءِ چیر دستی ءَ ھرچ ءُ درچ ءِ سر ءَ دلگوشی کتگ۔ توان ءِ نظام ءَ را سولر سسٹم ءِ تہ ءَ ٹرانسفر کنگ ءِ واستہ گامگیج کنگ ءَ آں۔ آئی ءَ گوشت کہ گریب آنی ازمت ءِ کمائی ءَ چہ یک یک کلدارے کارمرد کنگ ءِ ساھت ءَ سک باز ساپ ءُ سلہ ئی ءِ ضلورت انت۔ آئی ءَ گوشت کہ ھما ملک آنی تہ ءَ لٹ ءُ پل بیت آ دیمروئی نہ کناں ءُ ھما جاہ ءَ مارشت ءُ سما آنی کرد بیت آھودا مردم دیمروئی کن انت۔ آئی ءَ گوشت کہ کاروبار چاگردی زمہ واری مرچیگیں نہ انت ایش 1400 سال پیسرے سسا انت ایشی ءِ درور اسلامی دگنیا ءَ نہ رس ایت۔
