اسلام آباد۔ 20 نومبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر مچ آ ملک انا ورناتا پن کلہو اٹی پارینے کہ ورناتے مستائی اس تننگ خواوہ، وزیراعظم عمران خان غٹ جہد ءِ ورناتا گچین آخبت کن کرینے۔ داخیال آتا درشانی ءِ او جمعہ نادے آ یوتھ کونسل نا بابت تینا بیان اٹی پارینے کہ وزیراعظم نیشنل یوتھ کونسل اس جوڑ کننگ نا فیصلہ کرینے، یوتھ کونسل نا کماشی ءِ وزیراعظم عمران خان تینٹ کیک، مچ آ ملک آن 50 ورناگچین کننگک۔ اوپارے کہ ورناک وزیراعظم تون اواری اٹ ہمو پالیسی تے ٹہیفیرہ ہرااوفتا گرج ءِ، پاکستان جوڑ مننگ و عمران خان نا جہد اٹی ورناک اہم کڑد ادا کرینو، یوتھ کونسل نا سلیکشن پراسس بھاز شفاف و میرٹ نا بنداو آ کننگ انگ ءِ، اسد عمر پارے کہ ورناسرسہب ورنا نا ویب سائٹ آن اپلائی کیر، 50 گچین قابل ورناتے کونسل رکنیت کن گچین کننگک۔
