اسلام آباد۔ 20 نومبر (اے پی پی) پارلیمانی کشمیر کمیٹی نا چیئرمین شہریار آفریدی پارینے کہ 20 نومبر نا دے ءِ مچ آدنیا ٹی چناتا بنداوی حق انا بابت جہانی دے انا وڑاٹ اڈتننگک۔ جمعہ نادے آ تینا ٹویٹ اٹی اوپارے کہ اقوام متحدہ ءِ بھارتی مقبوضہ کشمیر نا ہمو کودک چناتا حق انا رکھ اکن عملی گام گیج کننگ نا گرج ءِ ہرا ہڑدے بھارتی فورس آتا پیلٹ گن آتا گواچی مننگ ءُ۔ تینا اسہ پین ٹویٹ اسے ٹی اوپارے کہ دنیا نا انسانی حق انا چاہندار آک مودی حکومت نا کنڈآن بھارت اٹی مسلم نسل کشی نا ڈٹ آتا بارواٹ خبڑدار کرینو۔ چاہندار آتا پاننگ ءِ کہ مودی حکومت آسام آن کشمیر اسکان مسلمان تے چٹفنگ نا ارادہ تخک۔ اوپارے کہ اقوام متحدہ دانا نوٹس ءِ ہلے و مخلوق نا جان و مال انا رکھ اکن عملی گام گیج کے۔
