اسلام آباد۔ 20 نومبر (اے پی پی) وزیراعظم عمران خان تون بنجائی وزیر توانائی عمرایوب خان جمعہ نادے آ داڑے اوڑدہی کرے۔ وزیر توانائی انڈسٹریل پیکج، توانائی و پٹرولیم تون تعلقدار باندات آ وزیراعظم ءِ حوال تس۔ وزیراعظم میڈیا آفس نا رداٹ اوپارے کہ صںعتی بشخ ءِ رعایتی نرخ آتیا بجلی نا فراوانی نا حکومتی فیصلہ نا مثبت بھرم مون آ بسنے۔ وزیراعظم کاروباری تپہ نا کنڈآن بجلی نا نرخ آتا بابت حکومتی فیصلہ نا ستاءِ کننگ آ است جمی نا درشانی ءِ کرسا پارے کہ ملکی زرگزران نا سوگوی کن انڈسٹری ءِ ہروڑ آسراتی فراوان کننگ حکومت نا اولیت آتیٹی اوار ءِ۔ بنجائی وزیر ضلع ہری پور نا چندی شونداری ڈٹ آتا بابت ہم وزیراعظم ءِ معلومدار کرے۔
