اسلام آباد۔ 20 نومبر (اے پی پی) اسپیکر قومی اسمبلی اسد قیصر پارلیمنٹ نا خصوصی کمیٹی کورونا دین انا دیوان ءِ چارشنبے نادے آ 25 نومبر آ پارلیمنٹ ہاؤس اٹی بٹنگانے۔ قومی اسمبلی سیکرٹریٹ نارداٹ دیوان نا کماشی ءِ اسپیکر قومی اسمبلی اسد قیصر کیک۔ کمیٹی دیوان اٹی بنجائی وزیر آک، قومی اسمبلی و سینیٹ اٹ پارلیمانی راہشون تے بشخ ہلنگ نا سلہ خلنگانے۔ کمیٹی دیوان اٹی چیئرمین این ڈی ایم اے و سی او ایس نیشنل کمانڈ اینڈ کنٹرول اتھارٹی ءِ ہم بٹنگ انگانے۔ پارلیمانی کمیٹی کورونا دین انا رداٹ قومی اسمبلی نا دیوان نا بابت باندات آتیا سجفنگک۔ پارلیمانی کمیٹی ءِ کورونا دین انا ساڑی حالیت آتیا حوال تننگک۔ دیوان پیشیم نا دوبجہ غا پارلیمنٹ ہاؤس اٹی مریک۔
