کابل۔19نومبر (اے پی پی):پاکستا ن ءُ اوگانستان ءَ اوگانستان ءَ ناشرکاری ءِ استیں واکیہ آنی رد ءَ انٹیلی جنس مالوم داری آنی یک ءُ دگر ءَ دیگ ءُ زورگ ءُ نزیکیں کمک ءَ را ودینگ ءِ واستہ یکجائی کوشست آناں گیش ترند کنگ ءِ سر ءَ تپاک کتگ۔ مزن وزیر عمران خان ءُ اوگانستان ءِ صدر اشرف غنی ءَ پنچ شمبے ءَ ادا صدارتی محل ءَ یکجائی پریس کانفرنس ءَ گوں گشتانک دات اوگانستان ءَ ایمنی ءِ برجائی ءِ واستہ زوتیں گامگیج آنی رچ ءَ وتی جزم ءِ درشان کت۔ مزن وزیر عمران خان اولی رند ءَ اوگانستان ءِ تر ءُ تاب ءَ کابل ءَ اتکگ، آئی ءَ اشرف غنی ءَ گوں گند ءُ نند کت ایشی اندر ءَ دو نیمگی یکوئی آناں گیش برجم دارگ، اوگان ایمنی کار ءُ دمگی دیمروئی ءِ ھوالگ ءَ ھیال ریچی کنگ بوت۔ مزن وزیر عمران خان ءَ اوگان حکومت ءَ را پاکستان ءِ نیمگ ءَ اوگانستان ءَ لٹ ءُ کُٹ ءِ دیمروئی ءِ واستہ کمک ءُ جنگ بندی ءِ رد ءَ وتی کمک آنی دل یکیمی کنائینت۔ مزن وزیر ءَ گوشت کہ آ ایش زانگ لوٹاں کہ پاکستان اوگانستان ءِ چے پیم کمک ءَ کت کنت۔ آئی ءَ گوشت کہ اوگان صدر ءَ را دل یکیمی ءِ واستہ گیشاں چہ گیش کمک پجارین آں۔ مز ن وزیر ءَ اوگانستان ءَ جنگ ءُ چوپ ءِ گیش بوھوکیں واکیہ آنی رد ءَ نہ وشی ءِ درشان ءِ واستہ دوئیں حکومت آنی نماھندگ آنی کمیٹی آنی جوڑیشت ءِ کمک کت۔ مزن وزیر عمران خان ءَ اوگانستان ءِ تر ءُ تاب ءِ دعوت دیگ ءِ واستہ اوگان صدر اشرف غنی ءِ شگر ءُ منت گپ ءُ ایشی ءِ سر ءَ دل یکیمی ءِ درشا ن کت کہ دوئیں ملک آنی نیام ءَ یکوئی آناں گیش برجم دارگ ءَ کمک رس ایت۔ آئی ءَ گوشت کہ 60 ءُ 70 ءِ زمانگ ءِ تران کت ءُ گوشت کہ کابل ءُ پشاور دوئیں ملک آنی الس آنی دوستیگیں ھند ءُ جاھ بوتگ انت۔ مزن وزیر عمران خان ءَ اے گپ ءِ نہ وشی ءِ درشان کت کہ اوگانستان ءِ شہر گوستگیں چیل سال ءَ چہ جنگ ءُ چوپ ءِ آماچ انت۔ آئی ءَ گوشت کہ پاکستان اے جاور آنی سر ءَ ھمے ھاترا نہ وش انت چیا کہ ایشی ءَ چہ قبائلی دمگ اے جنگ ءُ چوپ آنی آماچ بنت۔ آئی ءَ گوشت کہ اے ھاسیں وھد ءَ منی تر ءُ تاب ءِ مول ءُ مراد کلوہ دیگ انت کہ پاکستان اوگانستان ءَ ایمنی ءِ واھشت ایگ انت۔ آئی ءَ گوشت کہ اوگانستا ن ءُ سرجمیں پڑے وشھالی ءَ را دل یکیمی جوڑ کنگ ءِ واستہ ایمنی ءُ رابطہ آنی دیمروئی جوانیں وسیلگ ات۔ آئی ءَ گوشت کہ دوئیں ملک آنی کمیٹی ءُ انٹیلی جنس ایجنسی آنی نیام ءَ وت مہ وتی کمک ءُ ایمنی ءُ برجائی ءِ واستہ جوانیں گیش ءُ گیواری پٹ ءُ پول کنگ ءَ کمک رسیت انت۔ آئی ءَ گوشت کہ یکجائی کمک آنی فریم ورک ءِ چیر دستی ءَ مھکمیں ایمنی ءِ واستہ جنگ بندی المی انت۔ آئی ء۔ گوشت کہ درستاناں پھمگ لوٹ ایت کہ جنگ ءُ چوپ ناں بلکینگ ءَ سیاسی گپ ءُ تران ءِ سر ءَ جیڈھ ءِ گیواری بوت کنت۔ آئی ءَ گوشت کہ مزن وزیر عمران خان ءِ تر ءُ تاب ءَ چہ مرچی دل یکیمی ءِ بنیات ایر کنگ بوتگ ءُ ما مھکمیں ایمنی ءِ واستہ سفر ءَ را جاڑی داراں۔ آئی ءَ مزن وزیر عمران خان ءِ دعوت ءِ پد ءَ زوت پاکستان ءِ تر ءُ تاب کنگ ءِ جار ھم جت۔ اوگان صدر ءَ گوشت کہ مزن وزیر عمران خان ءَ گوں گند ءُ نند ءَ دوئیں نیمگ ءَ اے گپ ءِ سر ءَ تپاک کت کہ بنی کریم ﷺ ءِ شرپ ءُ ازت ھمک مسلمان ءِ ایمان ءِ بھر انت ءُ دگنیا ءَ را وتی لیکہ آنی آزاتی ءَ گوں درشان ءِ نام ءَ نیگیٹیو تران ءَ چہ وت دست کش بکن انت۔
