راولپنڈی۔19نومبر (اے پی پی): سرڈگاری اُرد ء، سروک جنرل قمر جاوید باجوہ ءَ گوں امریکی ناظم الامور انجیلاایگلر ءَ گند ءُ نند کت ایشی ءِ تہ ءَ وت مہ وتی کار آں ھوار دمگی سلامتی ءُ ایمنی ءِ جاور ھال ءُ ھاسیں رنگ ءَ اوگان ایمنی کار آنی سر ءَ ھیال ریچی کنگ بوت۔ پاک اُرد ءِ شوبگ (آئی ایس پی آر) ءِ رد ءَ شرپ مندیں مہمان آں پڑے جیڈھ آنی گر ءُ دار ءُ اوگان ایمنی کار آنی واستہ پاکستان ءِ بے دروریں کوشست آناں ساڑات۔ شرپ مندیں مہمان آں اوگانستان ءَ ایمنی ءِ یکجائی مول ءُ مراد ءِ واستہ امریکی کمک آنی جاڑی دارگ ءِ سر ءَ ھم دل یکیمی کنائینت۔
