اسلام آباد۔19نومبر (اے پی پی): بنجاھی وزیر برائے پلاننگ اینڈ ڈویلپمنٹ اسد عمر ءَ دل یکیمی کنائینت کہ آ اسلام آباد ءِ نزیک ءَ یک نوکیں انڈسٹریل اسٹیٹ جوڑ کنگ ءِ کوشست ءَ اسلام آباد چیمبر آف کامرس اینڈ انڈسٹری ءِ گوما گیشاں چہ گیش کمک کن انت تانکہ پڑ ءَ صنعت کار آناں گہتریں دیمروئی رس ایت ءُ معیشت برجم بیت۔ اے ھیالانی درشانی آئی ءَ اسلام آباد چیمبر آف کامرس اینڈ انڈسٹری ءِ یک ڈلے ءَ گوں گشتانک دیان ءَ کت ایشی ءِ اند ر ءَ چیمبر ءِ صدر سردار یاسر الیاس خان ءِ سروکی ءَ آئی ءَ گوں گند ءُ نند ءَ کت ءُ صنعتی اسٹیٹ ءِ جوڑیشت ءِ ھوالگ ءَ ھیالانی درشانی ءَ کت۔ خالد جاوید، شعبان خالد، چوہدری ندیم گجر ءُ طحہٰ اکبر انصاری ڈل ءَ ھوار اتنت۔ اسد عمر ءَ اسلام آباد ءِ نزیک ءَ یک نوکیں انڈسٹریل اسٹیٹ جوڑ کنگل ءِ واستہ آئی سی سی آئی ءِ شور ءُ سلاھ ءِ سرجمیں رنگ ءَ کمک کت ءُ گوشت کہ آ اے ارزشتی ایں منصوبگ ءِ منظوری ءِ وستہ یک سمری ءِ حکومت ءَ را پیش کناں۔ آئی ء۔ گوشت کہ بنجاھی دارالحکومت ءِ سرمایہ کار ءُ صنعت کار آنی ضلورت ءَ را سرجم کنگ ءِ واستہ سیکشن 4 ءِ چیر دستی ءَ صنعتی اسٹیٹ ءِ وستہ زمین بھا زورگ ءِ کوشست کنگ بیت۔ آئی ءَ گوشت کہ معاشی دیمروئی ءِ کشک ءَ گیش ترند کنگ ءُ صنعت کار آناں دیمروئی دیگ استیں حکومت ءِ ٹوھیں ارزشتی کار انت پمے ھاترا پڑ ءَ نوکیں صنعتی زون ءِ واستہ چیمبر ءِ گیشاں چہ گیش ھمبراھ داری ءُ کمک کنگ بیت۔
