اسلام آباد۔ 19 نومبر (اے پی پی) سی پیک ناکمک اٹ کشت و کشار نا بشخ انا شونداری و گچینی آ ہم خصوصی چکار کننگک، کشت وکشار نا بشخ پاکسان نا زرگزران اٹ تمبہ نا حیثیت تخک،سی پیک اتھارٹی نا کمامدارآتارداٹ چینی سٹڈی پڑک تون اواری اٹ کشاری پٹ وپول آ کاریم کننگ انگ ءِ۔ چینی کمپنیک کارپوریٹ فارمنگ اٹ است خواہی ہلنگ ءُ۔ ننا بزنس ہاؤس و چائنیز کمپنیک اواری اٹ کاریم کننگ ءُ۔ حکومت پاکستان سی پیک نا رداٹ کشت وکشار نا بشخ ءِ پوسکن آ رجحان تیان روشناس کرفنگ کن اولیتی بنداو تیا گام گیج کننگ ءِ، کشارگر آتا زند انا آب ءِ گچین کننگ و قومی زرگزران اٹ دانا مثبت اثرآتے ودفنگ کن خاص چکار کننگ ءِ، انتئے کہ کشت وکشار قومی زرگزران آ اثرشاغوک آ غٹ آن بھلا بشخ ءِ۔ کشت وکشار اٹی پیداواری لائخی ءِ ودفنگ کن تکنیکی شونداری بھاز المی ءِ۔ چین سی پیک ناارٹ میکو مرحلہ نا رداٹ کشت وکشار نا بشخ اٹی ٹیکنالوجی نا گدریفنگ آ امنائی سلاہ کرینے۔ سی پیک نا رداٹ ہڑتوم آ کنڈآتا کشاری کمکاری اٹ کرپاس نا پیداوار نا بابت باندات ءِ ایسر کننگک و پاکستان اٹ کرپاس نا پیدوار اٹ ودکی مریک۔
