اسلام آباد۔ 19 نومبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ اینٹی بائیوٹک نا دوائیک تدوک آ 80 سال آن طب انا بشخ اٹی انقلاب اس اتنگ ءُ، اینٹی بائیو ٹک بھاز انگا ہلوک آ ناجوڑی تا درمان ءِ کننگک۔ پنچ شنبے نادے آ ہفتہ اینٹی بائیوٹک آگاہی نا بابت تینا بیان اٹی اوپارے کہ اینٹی بائیوٹک ہمو دوائیکءُ ہرا تدوک آ 80 سال آن طب انا بشخ اٹی انقلاب اس اتسا بسنو۔ اینٹی بائیوٹک بھاز انگا ہلوک آ ناجوڑی تا درمان ءِ کننگک۔ اوپارے کہ بدبختی اٹ، بوجہ اے۔ایم۔ آر، تدوک آ منہ سال آن اینٹی بائیوٹک دواتا اثراٹی کمتی بننگ ءِ ۔ اینٹی بائیوٹک دوائی تا برخلاف جراثیم نا مزاحمت تون مون تننگ کن حکومت پاکستان نیشنل ایکشن پلان اس جوڑ کرینے۔ خصوصی کمکار پارے کہ اینٹی بائیوٹک آتا ہڷ و تس ءِ بیدس ڈاکٹر نا نسخہ غان بہامف۔ ڈاکٹر و فارماسسٹ آتون اوار غٹ بندغ آک اینٹی بائیوٹک دوائی تا ویل آ احتیاط کیر۔اینٹی بائیوٹک، بھاز المی ءُ دوائی ءُ ہرافتیان انفیکشن نا مون ءِ توننگ مریک، اوفتے پامداری اٹ کاریم اٹ اتبو۔
