اسلام آباد۔ 19 نومبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب ءِ جاری کرینے۔ پنچ شنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی 2 ہزار 547 بندغ آتا کوویڈ۔ 19 ٹیسٹ مثبت بس و 18 بندغ دا دین آن زوال کریر۔ تدوک آ 24 گھنٹہ ٹی کوویڈ۔ 19 نا 36 ہزار 899 ٹیسٹ کننگا ہرافتیان سندھ اٹی 11 ہزار 960 پنجاب اٹی 13 ہزار 754، خیبرپختونخوا ٹی 3 ہزار 25، اسلام آباد اٹی 6 ہزار 132، بلوچستان اٹی 841، گلگت بلتستان اٹی 240، آزاد کشمیر اٹی 947ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 26 ہزار 674مسنے۔ بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف۔ وخت اس کہ مچ آ ملک اٹی کوویڈ۔ 19 کن جتا 1 ہزار 806 وینٹی لیٹر آتیا کوویڈ۔ 19 نا 234 ناجوڑ ءُ۔ مچ آ ملک اٹی کوویڈ۔ 19 نا ایکٹو کیس آتا کچ 32 ہزار 5 ءِ۔ مچ آ ملک اٹی کورونا دین آن زہمی بندغ آتا کچ 3 لکھ 65 ہزار 927 ءِ ہرافتیان آزاد کشمیر اٹی 5 ہزار 690، بلوچستان اٹی 16 ہزار 582، گلگت بلتستان اٹی 4 ہزار 482، اسلام آباد اٹی 25 ہزار 278، خیبرپختونخوا ٹی 43 ہزار 52، پنجاب اٹی 1 لکھ 8 ہزار 559 و سندھ اٹی 1 لکھ 58 ہزار 51 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 7 ہزار 248ءِ ہرافتیان سندھ اٹی 2 ہزار 764 مرک وخت اس کہ تدوک آ بیست ءُ چار گھنٹہ ٹی 4 ناجوڑ دا دین آن زوال کریر۔ پنجاب اٹی 2 ہزار 519مرک وخت اس کہ تدوک آ 24 گھنٹہ ٹی 10 زوال کریر۔ خیبرپختونخوا ٹی 1 ہزار 318 وخت اس کہ تدوک آ بیست ءُ چار گھنٹہ ٹی ہچ ءُ مرک اس متنے۔ اسلام آباد اٹی کل 265 مرک وخت اس کہ تدوک آ بیست ءُ چار گھنٹہ ٹی 2ناجوڑ ہسپتال آتیٹی دا دین آن زوال کریر۔ بلوچستان اٹی 157 مرک وخت اس کہ تدوک آ 24 گھنٹہ ٹی اسہ ناجوڑ اس دادین آن زوال کرے۔ گلگت بلتستان اٹی 93 مرک، آزاد کشمیر اٹی دا دین آن 132 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ داتم اسکان مچ آ ملک اٹی کوویڈ۔ 19 نا 50 لکھ 55 ہزار 382 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا794 ہسپتال آتیٹی 2 ہزار 25 ناجوڑ درمان مننگ ءُ۔
