کابل۔ 19 نومبر (اے پی پی) وزیراعظم عمران خان کابل نا صدارتی ماڑی آ سرمس ہراڑے اوغان صدر اشرف غنی وزیراعظم عمران خان و اونا ڈل ءِ بخیر کرے۔ صدارتی ماڑی آ سرمننگ آ وزیراعظم ءِ اوغان سلہہ بند فوج انا دستہ گارڈ آف آنر پیش کرے۔ صدارتی ماڑی ٹی وزیراعظم نا اعزاز اٹ باضابطہ بیابخیری دود اس اڈتننگا۔ داکان مست کابل آ سرمننگ آ اوغان وزیر خارجہ محمد حنیف اتمر و اوغان صدر نا خصوصی نمائندہ پاکستان محمد عمر داؤدزئی و سینئر کمامدارآک وزیراعظم و اونا ڈل ءِ بخیر کریر۔ اوغانستان اٹی پاکستان نا سفیر منصور احمد خان و پاکستانی سفارتخانہ نا کمامدارآک ہم داوخت آ ساڑی ئسر۔ وزیر خارجہ شاہ محمود قریشی، سلاہکار واپار عبدالرزاق داؤد، ڈی جی آئی ایس آئی لیفٹیننٹ جنرل فیض حمید، سیکرٹری خارجہ سہیل محمود، اوغانستان کن خصوصی نمائندہ محمد صادق و سینئر کمامدارآک ہم وزیراعظم تون اوار ءُ۔
