اسلام آباد۔ 18 نومبر(اے پی پی) چیئرمین سینٹ محمد صادق سنجرانی پارینے کہ میڈیا ریاست نااہم ءُ تمبہ سے‘ صحافی تا زیات کاٹم خواجہی کننگ نا گرج ءِ‘ بلوچستان نا صحافیک مشکل حالیت آتے ٹی کاریم کننگ اٹی ءُ‘ ملک و قوم اکن صحافی برادری نا خذمت آتے مدام یات تخنگک‘ آجوئی اٹ صحافت کننگ ملک اٹ جمہوری رویہ غاتا شونداری کن کمکار مریک‘ ننے عملی گام گیج کرسا ورنا چین اٹ کاروبار و کاروباری سرجز آتا اہمیت نابارو اٹ شعور تالان کننگ نا گرج ءِ۔ دا خیال آتا درشانی ءِ او کوئٹہ پریس کلب نا صدر رضاء الرحمان نا کماشی ٹی بلوچستان نا صحافی تا ڈل اتون ہیت وگپ کرسا کرے۔ داوخت آ سینیٹر احمد خان و سینیٹر نصیب اللہ بازئی ہم ساڑی ئس۔
