فیصل آباد ۔18نومبر (اے پی پی):وزیراعظم عمران خان ءَ گوں ایکسپورٹرز، ٹیکسٹائل مینو فیکچررز ء ُ بزنس کمیونٹی ءِ حاسیں راہشوناں ہندی ہوٹل ءَ گندءُ نند کتگ ءُ دونیمگی جیڑہ آنی سرءَ ھیال ءُ لیکہ ءِ درشانی کنگ بوتگ۔ گندءُ نندءَ صنعتی ءُ بیپاری براتی ءِ راہشوناں گشتگ کہ حکومتی گامیگجانی سبب ءَ ویلیو ایڈڈ ایکسپورٹ گیش بوہگ ءَ اِنت وہدے کہ توانائی پیکیج،پہ وہد ریفنڈز ءُ ایندگہ آسراتی ءِ برکت ءَ برآمدکنوکءُ بیپاری براتی ءِ بازیں جیڑہ ءُ جنجال گیشءُ گیوار بنت۔ ایکسپورٹرآں مزن وزیر ءَرا حال داتگ کہ کورونا وائرس ءِ ہوپ ءِ وہد ءَ ہم حکومتی گامگیجاں چہ نا تنا مردماں روزگار محفوظ بوتگ اَنت بلکیں روزگار ءِ نوکیں موہ ہم ودی بوتگ اَنت۔ آئی ءَ حکومتی گامگیج ساڑاتگ ءُ اوست داتگ کہ آ برآمدات ءَ را 13 ارب ڈالر ءَ چہ گیش بہ کنت ءُ آیوکیں سال 21 ارب ڈالر ءَ سرکنت۔ آئی ءَ برآمدات ءُ بیپار ءَ گہتری آرگ ءِ ھاترءَ بازیں سوج ہم داتگ۔ اے موہ ءَ گورنر پنجاپ چوہدری محمد سرور، پنجاپ ءِ سروزیر سردار عثمان بزدار، پنجاپ صنعت ءِ صوبائی وزیر پنجاپ میاں اسلم اقبال، پاکستان ٹیکسٹائل ایکسپورٹرز ایسوسی ایشن ءِ چیئرمین محمد احمد، پاکستان ہوزری مینو فیکچررز ایسوسی ایشن ءِ قائد خواجہ امجد، صداقت لمیٹیڈ ءِ سی ای او خرم مختار، ڈائریکٹر شعیب مختار،ستارہ انرجی کے سی ای او میاں جاوید اقبال،میاں محمد لطیف،صدرفیصل آباد چیمبر آف کامرس اینڈ انڈسٹری انجینئرحافظ احتشام جاوید،سینئر نائب صد چوہدری طلعت محمود،نائب صدر ایوب اسلم منج،سابق صدر چیمبر آف کامرس رانا محمد سکندر اعظم،سابق صدرایف سی سی آئی شبیر چاولہ،قیصر شمس گچھا ءُ اندیگہ ایکسپورٹرز صنعتکار ہم ساڑی بوتگ اَنت۔ گندءُنندءَ ایکسپورٹرز، ٹیکسٹائل مینو فیکچررزءُ بزنس کمیونٹی ءِ راہشوناں ہم مزن وزیر ءَ گوں سیالکوٹ ءِ ترز ءَ جوڑ بوتگیں نوکیں میاں اوستمانی بالی پڑءِ جوڑ کنگ، انوگیں فیصل آباد میاں اوستمانی بالی پڑ ءِ اپ گریڈیشن ، الائیڈ نادراہ جاہ ءَ را اپ گریڈ کنگ ءُ نوکیں ترز ءِ آسراتی ءَ چہ نوکیں سکیورٹی نادراہ جاپ ءِ جوڑ کنگ ءَ ہوار ایندگہ لوٹ ہم کنگ بوتگ اَنت کہ ایشاں مزن وزیر ءَ زوت پیلو کنگ ءِ ھاترءَ سرجمیں اوست داتگ۔ اے موہ ءَ صعنت آنی ورکنگ ءَ گہتری ءُ پیداوار ءَ گیشی ءَ ہوار صنعت آں بے متھل ءَ بجلی سرکنگ ءِ ھاترءَ ون ونڈو آپریشن بندات کنگ ءِ سرءَ تپاک کنگ بوتگ۔
