اسلام آباد۔18نومبر (اے پی پی):جولائی تاں دسمبر 2020 ءِ ھاترءَ احساس کفالت ءِ دیم ءِ قسط آیوکیں ہفتگ ءَ سرجمیں ملک ءَ جاری کنگ بیت۔ اے ہوالگ ءَ شریداریں بینک حبیب بینک لمیٹڈ ءُ بینک الفلاح ءِ ہمراہ درائیں تیاری سرجم کنگ بوتگ اَنت۔ کفالت قسط ءِ جاری کنگ ءَ ہوار حق دار بائیومیٹرک ءِ وسیلگ ءَ دیئگ بنت۔ نیزگاری ہلاس کنگ ءُ (تخفیف غربت و سماجی تحفظ ڈویژن) ءِ نیمگ ءَ چہ جاری بیان ءِ ردءَ مزن وزیر ءِ ھاسیں کمک کار ڈاکٹر ثانیہ نشتر ءَ اے ٹی ایم آنی وسیلگ ءَزر در کنگ ءِ معیار ءَ را جوان کنگ ءِ ھاترءَ درائیں تیاریانی چارءُ تپاسی کنگ ءِ ھاترءَ میلوڈی مارکیٹ اسلام آباد ءَ ایچ بی ایل برانچ ءِ ترءُتاب کتگ۔ آئی ءَ گشتگ کہ احساس ڈیجیٹل ادائیگی ءِ نظام زالبولاں بائیومیٹرک اے ٹی ایم ءُ بینک رؤگ ءِ سیکن ءَ دنتءُ آیاں مالی حساب ءَ وت واک جوڑ کنت۔ آئی ءَگشتگ کہ من کفالت ءِ حقداریں زالبولاں نامینتگیں شریداریں بینک آنی اے ٹی ایم مشین آں چہ زر درکنگءَ دلبڈی دیاں۔ احساس کفالت حقدارانی گور ءَ بائیو میٹرک ءِ سرءَجوڑ بوتگیں اے ٹی ایم، بائیو میٹرک ریٹیل شاپ ءَ ہمگرنچیں بینک آنی کجام ہم بائیو میٹرک ءِ فعال برانچ رؤگ ءِ موہ اَست اِنت۔ احساس ءِ ردءَ پنجاپ، سندھ ءُ بلوچستان ءَ ایچ بی ایل وہدے کہ خیبر پختونخوا ، گلگت بلتستان ءُ آزاد جموں و کشمیر ءَ بینک الفلاح ءِ وسیلگ ءَ زر دیئگ بنت۔ گوستگیں ہفتگ ءَ احساس کفالت ءِ یک دیوانے ءِ سروکی کتگ ءُ مزن وزیر عمران خان ءَ احساس کفالت ءَچہ پائدگ چست کنوکیں مردمانی کساس 4.6ملین ءَچہ گیش کوتگ ءُ 7ملین کنگ ءِ منظوری داتگ۔ احساس کفالت پالیسی ءِ ردءَ نوکیں حقداریں لوگ ہوار کنگ بنت۔ نیزگاری سروے ءُکچءُکساس ءِ تجزیہ سرجم بوہگ ءَ اِنت۔ سروے ءَ پشت کپتگیں لوگانی ھاترءَ ہمک ضلع ءَ تحصیل ءِ تک ءَ احساس رجسٹریشن ڈیسک ءِ آپشن اَست۔ حاسیں ضلع ءَ رجسٹریشن ڈیسک ءِ جوڑ نیزگاری سروے ءِ جوڑ بوہگ ءَ گوں بندوک اِنت۔ احساس کفالت حکومت ءِ نیمگ ءَچہ سماجی تحفظ ءِ فلیگ شپ پروگرام اِنت کہ ایشی ءِ ردءَ سرجمیں ملک ءِ نیزگار ءُ حقداریں زالبولاں 2000 کلدار ءِ وظیفہ ماہے ءُ بینک اکاؤنٹ دیئگ بنت۔
