24 گھنٹہ ٹی کورونا دین انا 2208 کیس، 37 مرک رپورٹ، 38 ہزار 544 ٹیسٹ کننگا، ایکٹیو کیس آتا کچ 30 ہزار 362 مس، این سی او سی

اسلام آباد۔ 18 نومبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب ءِ جاری کرینے، چارشنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی 2 ہزار 208 بندغ آتا کوویڈ۔ 19 ٹیسٹ مثبت بس و 37 بندغ دا دین آن زوال کریر ہرافتیان 34 بندغ ہسپتال آتیٹی و 3 ناجوڑ اُراٹی قرنطینہ ٹی زوال کریر۔ تدوک آ 24 گھنٹہ ٹی کوویڈ۔ 19 نا 38 ہزار 544 ٹیسٹ کننگا ہرافتیان سندھ اٹی 12 ہزار 430، پنجاب اٹی 15 ہزار 3، خیبرپختونخوا ٹی 3 ہزار 473، اسلام آباد اٹی 5 ہزار 975، بلوچستان اٹی 626، گلگت بلتستان اٹی 297، آزاد کشمیر اٹی 740 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 25 ہزار 788مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا 1 ہزار 869وینٹی لیٹر آتیا کوویڈ۔ 19 نا 228 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 30 ہزار 362 ءِ۔ مچ آ ملک اٹی کورونا دین آن زہمی بندغ آتا کچ 3 لکھ 63 ہزار 380 ءِ ہرافتیان آزاد کشمیر اٹی 5 ہزار 640، بلوچستان اٹی 16 ہزار 529، گلگت بلتستان اٹی 4 ہزار 467، اسلام آباد اٹی 24 ہزار 871، خیبرپختونخوا ٹی 42 ہزار 815، پنجاب اٹی 1 لکھ 11 ہزار 626وسندھ اٹی 1 لکھ 57 ہزار 432 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 7 ہزار 230 ءِ ہرافتیان سندھ اٹی 2 ہزار 760 مرک وخت اس کہ تدوک آ بیست ءُ چار گھنٹہ ٹی 8 ناجوڑ ہسپتال آتیٹی و 1 ناجوڑ اس اُراٹی دا دین آن زوال کرے۔ پنجاب اٹی 2 ہزار 509 مرک وخت اس کہ تدوک آ بیست ءُ چار گھنٹہ ٹی 16 ناجوڑ ہسپتال و 1 ناجوڑ اس اُراٹی دا دین آن زوال کرے۔ خیبرپختونخوا ٹی 1 ہزار 318 وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال اٹی دا دین آن زوال کریر۔ اسلام آباد اٹی کل 263 مرک وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتیٹی دا دین آن زوال کریر، بلوچستان اٹی 156مرک، گلگت بلتستان اٹی 93 مرک، آزاد کشمیر اٹی دا دین آن 131 مرک وخت اس کہ تدوک آ بیست ءُ چار گھنٹہ ٹی 4 ناجوڑ ہسپتال آتیٹی دا دین آن زوال کریر۔ وخت اس کہ اسہ ناجوڑ اس قرنطینہ ٹی زوال کرے۔ داتم اسکان مچ آ ملک اٹی کوویڈ۔ 19 نا 50 لکھ 8 ہزار 483ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 1 ہزار 769 ناجوڑ درمان مننگ ءُ۔