فیصل آباد۔ 18 نومبر (اے پی پی) وزیراعلیٰ پنجاب عثمان بزدار فیصل آباد کن پی ایچ اے و انفراسٹرکچر نا ایلو ڈٹ آتیکن 13 ارب روپئی نا پیکج نا پڑو ءِ کرسا پارینے کہ فیصل آباد پاکستان نا مانچسٹر ءِ، فیصل آباد نا شونداری ملکی زرگزرانی شونداری کن بھاز اہم ءِ، فیصل آباد اٹی بنداوی پنجر نا شونداری آن شاری تا ویل آک ایسر مریرہ۔ چارشنبے نادے آ فیصل آباد چیمبر آف کامرس نا دود آن تران کرسا اووزیراعظم عمران خان ءِ فیصل آباد آ بننگ آ بخیر اٹ پارے۔ اوپارے کہ فیصل آباد شون ہلیک تو پاکستان ہم شون ہلیک انتئے کہ فیصل آباد پاکستان نا مانچسٹر ءِ، حکومت پنجاب صنعت آتے 26 ارب نا خراج ریلیف تسنے، نن 90 دے انا تہہ ٹی خصوصی اقتصادی زون تیکن پنچ فیکٹری نا لسین جاری کرینن، دسمبر اسکان 16 فیکٹری تے پین لیسن جاری کننگک۔ اوپارے کہ فیصل آباد کن سڑک، پی ایچ اے تون اوار ایلو ڈٹ آتیکن 13 ارب روپئی نا پیکچ نا پڑو ءِ کیوہ، فیصل آباد نا شونداری ملکی زرگزرانی شونداری کن بھاز اہم ءِ، فیصل آباد اٹی بنداوی پنجر نا شونداری آن شاری تا ویل آک ایسر مریرہ، کاروبار اٹ آسانی کن آسراتی تننگ اُن، پنجاب اٹی 13 خصوصی اقتصادی زون جوڑ کننگ نا بابت کاریم مننگ ءِ۔
