اسلام آباد۔ 18 نومبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ پی ڈی ایم نا اسہ ہی ایجنڈا ءِ کہ مقدمہ غاتا چٹفبو، عدلیہ ہمو آجو مننگک ہرا اوفتے بیرہ ریلیف ایتے، گچین کاری تے بیرہ ہمو آجو مننگک ہرافتا نتیجہ غاک اوفتا حق اٹی مریر۔ چارشنبے نادے آ تینا ٹویٹ اٹی بنجائی وزیر حوالکاری و شینکاری سینیٹر شبلی فراز پارے کہ اپوزیشن نا داایجنڈا ءِ کہ ہیت بیرہ ہمو راست مریک ہرادے اوفک کیرہ، دا جمہوریت اف آمرانہ رویہ ءِ۔ فیصلہ الس ءِ کروئی ءِ و دا فیصلہ غاتے سیاسی جماعت آتے امنا کروئی ءِ، ہندا آئین اٹ نوشتہ ءِ۔ اوپارے کہ عمران خان ادارہ غاتے آجو و وتواجہ کرینے، داسہ ادارہ غاتیا کس خاہوت اسے نا اجارہ داری اف۔