اسلام آباد۔ 18 نومبر (اے پی پی) پاک بحریہ نا سروک ایڈمرل محمد امجد خان نیازی تون کمانڈر قطر امیری ایئر فورس میجر جنرل (پائلٹ) سالم حمد عقیل النابت اوڑدہی کرے ہراٹی تین پہ تینی است خواہی نا باندات و ڈیہہ نا سیکورٹی حالیت آتیا گپ وتران کننگا۔ پاک بحریہ نا رداٹ کمانڈر قطر امیری ایئر فورس میجر جنرل (پائلٹ) سالم حمد عقیل النابت نیول ہیڈ کوارٹرز اسلام نا دورہ ءِ کرے ہراڑے پاک بحریہ نا سروک ایڈمرل محمد امجد خان نیازی شرفمند آ مہمان ءِ بخیر کرے۔ شرفمند آ مہمان ءِ روایتی وڑاٹ گارڈ آف آنر پیش کننگا۔ شرفمند آ مہمان نیول ہیڈ کوارٹرز اٹی یات گار شہید آتیا پھل شاغا و اونا پرنسپل اسٹاف آفیسر آتون درستی راستی ءِ کرفنگا۔ سروک پاک بحریہ ڈیہہ ٹی سمندری رکھ و امن ءِ پک کننگ کن پاک بحریہ نا کڑد ءِ مون آتخا۔ شرفمند آ مہمان ڈیہہ ٹی بحری سیکیورٹی و سوگوی نا بابت پاک بحریہ نا کوشست آتا ستاءِ کرے ۔ کمانڈر قطر امیری ایئر فورس انا دا دورہ غان ہڑتوم آ ملک آک خاص وڑاٹ سلہہ بند فوج آتا نیام اٹ تعلقداری ءِ پین مون آ دننگک۔

متعلقہ مضامینمصنف کی طرف سے مزید