کابل۔ 18 نومبر (اے پی پی) وزیراعظم نا سلاہکار واپار عبدالرزاق داؤد پارینے کہ اوغانستان نا صدر تون اوڑدہی ٹی واپار ومواصلات آ سرجم گپ وتران مس۔ ہڑتوم آ ملک آتا نیام اٹ واپار و زرکاری ٹی خاطر خواہ وارخواہی ساڑی ءِ۔ داخیال آتا درشانی ءِ او چارشنبے نادے آ کابل اٹی اوغان صدر تون اوڑدہی آن پد میڈیا تون گپ وتران کرسا کرے۔ سلاہکار واپار پارے کہ ایلو بڑزکو کمامدارآتون ہم واپار نا بابت باندات آ اوڑدہی مس۔ اوپارے کہ اومیت ءِ کہ راہداری و اولیتی واپار نا معاہدہ جنوری اِرا ہزار بیست ءُ یک اسکان طےمریک۔ بروک آ دے تیٹی غٹ شریدار آتون سرجم اوڑدہی کیوہ۔ عبدالرزاق داؤد پارے کہ ہڑتوم آ ملک آتا نیام اٹ واپار و زرکاری ٹی خاطر خواہ وارخواہی ساڑی ءِ۔ ملکی کاروباری برادری دا وارخواہی تیان فائدہ ہرفر۔
