اسلام آباد۔ 18 نومبر (اے پی پی) بنجائی حکومت پاکستان اسٹیل مل انا ریٹائرڈ ملازم آتا متکن آ ویل ءِ ایسر کرسا 24.42 ارب روپئی نا زرتس۔ وزارت صنعت وپیداوار نا ترجمان نا رداٹ حکومت دا گام گیج انا ستاءِ کرسا ریٹائرڈ ملازم آک وزیراعظم پاکستان و بنجائی وزیر صنعت و پیداوار محمد حماد اظہر نا خصوصی منت واری ءِ ہرفیر۔ منظور کروک 24.42ارب روپئی 4،594 ریٹائرڈ ملازم آتے ادا کننگک و فی کس اوسطا ریٹائرڈ ملازم ءِ کم و ود 32 لکھ 20 ہزار روپئی نا زرتننگک۔ داکان مست بنجائی حکومت جنوری 2019 ء ٹی کزیت کروک آ ملازم آتا خاہوت آتے 1.26 ارب روپئی ادا کرینے۔ بنجائی حکومت نا حتی الامکان دا کوشست ءِ کہ زوت آن زوت پاکستان اسٹیل مل ہراکہ 2015 آن بند ءُ کہ ملازم آتا ویل آتے ایسر کننگے و اسٹیل مل ءِ قومی میرات نا وڑاٹ گچین وڑاٹ کاریم اٹ اتنگے دا چرجوئی ٹی اہم پیش رفت بروک آ منہ ہفتہ ٹی گمان ءِ۔ یات سلے کہ بزرگ و ریٹائرڈ ملازم آتا ادائیگی 2013 آن واجب الادا ئسر۔
