بلوچستان ءَ گوں بندوکیں دود ءُ ربیدگ ءَ را سہرا کنگ ءِ ھاترا دھ روچی نماش ءِ بست ءُ بند کنگ بوت، مراگش ءِ بنگیج بنجاھی وزیر شفقت محمود ءَ کت ءُ گڈی مراگش ءَ ازمکاراناں ملک ءِ مستر صدر مملکت ڈاکٹر عارف علوی ءَ دات انت
نبشتہ کار : اورنگزیب بلوچ
بنجاہی حکومت اسلام آباد ءَ 10 روچی نماش “لوک ورثہ ” ءَ وتی دراہیں جلواناکیاں گوں بندات بوت۔ نماش ءَ چاریں صوبہ آں ہوار گلگت بلتستان ءُ کشمیر ءِ دود ءُ ربیدگ ءَ را پدر کنگ ءِ ھاترءَ اسٹال سمبائنگ بوت۔ ہمک دمگ ءِ اِزم کاراں وتی ازم ءِدرشانی کتگ ءُ نماش ءَ را جلواہ ناک کتگ کہ آئی ءِ تہ ءَ گوں بلوچستان ءَ سیادی داروکیں ازمکاراں بلوچی لیوا ءُ اتڑ کتگ۔ ایشی ءَ ابید بلوچستان پویلین ءَ بلوچی دود ءُ ربیدگ ءَ را پدر کنگ ءِ ھاترءَ اسٹال جوڑ کنگ بوتگ اَنت، کہ آئی ءِ تہ ءَ بلوچی دوچ، پیش ءِ سرءَ جوڑ بوتگیں سامان ، دمبورگ ءُ سروز،
بلوچی چوٹ، وتی جتائیں اسٹائل ءُ نمونگ ءِ سبب ءَ مردم آناں سک باز دوست بیت، ایشی یک اسٹالے اے میلہ ءَ ٹھینگ بوتگ ات، اے اسٹالے تہ ءَ جتا جتائیں نمونگ آنی بلوچی چوٹ ایر اتنت۔ اسٹال جنوک ءَ گوشت کہ اے چوٹ دست ءِ سر ءَ جوڑ کنگ بنت، یک روچے ءِ اندر ءَ ما ھشت ءَ بگر تاں 10 کلاک ءَ کار کن آں، گڈا روچے سئے ءَ بگر تاں چار جُتک چوٹ جوڑ بیت۔ ھمے رنگ ءَ اگاں چار پنچ کس یک جاھ بہ بیت گڈا ھمک روچ ھشت نو، جتگ چوٹ جوڑ کت کنت۔ آئی ءَ گوشت اے چوٹ آنی مردم آنی گورا سک باز ڈیمنانڈ است انت، پمے ھاترا ایشی کاریگر سک باز کم انت۔ ایشی کار ءِ سکگ ءُ دست ءِ ساپ بوھگ ءِ ھاترا دو سے چار سال کار ، اگاں زہینیں مردمے گڈا سئے چار ماہ ءَ دست ءِ ساپ بیت۔ ایشی یک جُتک ءِ سئے ءَ بگر تاں چار ہزار ءَ فرمائشی جوڑ بیت۔ تیاریں دو ہزار ءَ بگر تاں سئے ہزار ءَ رس ایت۔
بلوچی گدان مردماں چارتگ ءُ سک باز دوست داشتگ۔ بلوچی گدان وتی یک جتائیں نمونگ ءُ اسٹائلے سبب ءَ بلوچ راج ءَ بگر ایندگر راج آناں سک باز دوست بیت، ایش ھما زمانگ ءِ ھمردم آں ساھیگ ءِ ھاترا ایشرا ٹھینتگ۔ ایشرا ھمک مردم جت نہ کنت، ھما مردم ایشی بلدکار انت گڈا گدان ءِ جوڑ کت کنت۔
بلوچی دود ءُ ربیدگ ءَ را گوں جوانی ءَ پدر کنگ ءُ دیمروئی دیئگ ءِ ھاترءَ سرجمیں بلوچستان ءَ چہ ازمکار ءُ شاہوکاریں توار کنگ ءُ آیانی ازم پیش دارگ بوتگ۔ پنجگور بلوچستان ءَ چہ سیادی داروکیں حمید احمد کہ کوہی پیشاں چہ ضلورت ءِ سامان جوڑ کنت، گشیت کہ منءَ بیست سال بیت کہ من کوہی پیش ءَ چہ سامان جوڑ کناں کہ آئی ءِ تہ ءَ تور، کپات، کُلا، کاشی، روپگ، بزبانی، پتراکی، مُسلاءُ تگرد ہوار اَنت۔ آ گیش گشیت کہ اے یک جوانیں اِزم اِت بلےاے ازم وہد ءِ گوما بیگواہ بوہان اِنت ءُ مے ورناہیں نسل ایشی ءَ چہ ناسرپد اَنت ،آئی ءَ گشتگ کہ لوک ورثہ ءِ ھمک سالی نماش ءَ مے ورناہ ایشی ءَ چہ سرپد بنت۔ ایشی ءَ ابید بلوچستان ءِ دستی دوچانی اسٹال ءِ سرءَ مردمانی رش بوتگ ، چیا کہ اے دمگ ءِ دستی دوچ باز نامدار اَنت، آئی ءِ حاسیں سبب اِیش اِنت کہ اے درائیں دوچ حاس دست ءِ سرءَ دوچگ بنت ءُ وتی جتاہیں ترز ءُ بندیکانی سبب ءَ باز نامدار اَنت۔ اے ہوالگ ءَ بلوچی دستی دوچ ءِ اسٹال ءِ واہُند بانک کنیز فاطمہ مینگل ءَ گشتگ کہ آ ہمک سال بنجاہی حکومت اسلام آباد ءَ بلوچستان پویلین ءَ بلوچی دوچ ءِ اسٹال جنت ءُ بلوچی دوچ ءِ نماش ءَ کنت، آئی ءَگشت کہ بلوچی دوچ باز نامدار اِنت ۔
یک جستے ءِ پسو ءَ آئی ءَگشت کہ بلوچی دوچ ءِ نیاد ہمے ھاترءَ باز اَنت چیا کہ اے باز ہُرت ءُ محنت ءِ کار اِنت، اے درائیں کار دست ءِ سرءَ بنت ءُ سُہچن ءِ سرءَ بیت ءُ اے کارءَ وہد لگ ایت۔ یک سوٹے ماہے جنت۔ پہ ہمے ھاترءَ ایشی ءِ نیاد گران اَنت ۔ اسٹال ءِ واہنداں گشتگ کہ اسٹال جوڑ کنگ ءِ مول ءُ مراد وتی صوبہ ءِ دود ءُ ربیدگ ءَ را دنیا ءَ را پیش دارگ اِنت ءُ سرپدی دیئگ اِنت۔ تنکہ مے ورناہیں نسل وتی دود ءُ ربیدگ ءَ پجار بیاریت۔ لوک میلہ ءَ مردماں اسٹال ءُ ازمکارانی اِزم ءَ را باز دوست کتگ ءُ وشی ءِ درشانی کتگءُ آیاں گشتگ کہ یکیں جاہ ءَ دراہیں کلچرآنی یکجاہ بوہگ مے وش بھتی اِنت کہ مارا یک وہد ءَ دراہیں دود ءُ ربیدگ گندگ بنت ءُ آیانی باروا زانگ ءِ موہ رسیت۔ آیاں گشتگ کہ اے لوک میلہ سرجمیں دنیا ءَ پاکستانی کلچر ءَ را دیما برگ ءُ پجار کنگ ءِ وسیلگ اِنت۔ ایشی ءَ ابید لوک میلہ ءَ کورونا ءَ را گرءُ دار کنگ ءُ شنگ بوہگ ءَ چہ دارگ ءِ ھاترءَ ایس او پیز ءِ حاس ھیال داری کنگ بوتگ ءُ اے ہوالگ ءَ ٹائیگر فورس تعینات ات۔
بلوچستان میوزیکل نائٹ دو شمبے 9 نومبر ءَ برجم دارگ بوت، ھمک سالی برجم بوھوکیں لوک میلہ اسلام آباد بلوچستان میوزیکل نائٹ دو شمبے ءَ برجم دارگ بوت، ایشی ءِ تہ ءَ نامداریں سازِندہ ساز ءُ زیملی الھان کت۔ اے ساز ءُ زیملی مراگش ءِ تہ ءَ بلوچستان ءِ دود ءُ ربیدگی ساز جنگ بوت انت۔ پشتو ساز، بلوچی ءُ برائوئی ساز ، ہزارہ آنی دود ءُ ربیدگی سوت ءُ ساز جنگ بوت انت۔ ٹوھ ٹوھیں سازندہ ساز آں اے میوزیکل نائٹ ءِ تہ ءَ بھر زوی کت۔ کورونا وائرس ءِ گر ءُ دار ءِ ھاترا ایس ءُ پیز آنی پد ءُ رند ءِ ھاترا ھاسیں گامگیج بست ءُ بنت کنگ بوت۔ ٹائیگر فورس ھم ایشی پد ءُ رند ءِ ھاترا ھاسیں رد ءَ لوک میلہ ءِ اندر ءَ ساڑی ءُ اوشتاتگ انت۔ مردم آناں ایس ءُ پیز آنی پد ءُ رند ءِ واستہ دلگوش ءُ دزبندی دم پہ ساھت کنگ بوتگ۔ ایس ءُ پیز آنی پد ءُ رندی ءَ گوں اے میوزیکل نائٹ دو شمبے ءَ برجم دارگ بوت۔ آھوادا ساڑیگیں مردم آں اے میوزیکل نائٹ ءَ را سک باز ساڑات۔ اے ساز ءُ زیملی مراگش ءَ ھم دومی مردم شینزارگ ءُ سوت آستوک آستوک جت گوں۔
بلوچی لیوا۔
لیوا ءِ زانتکارے ءَ گوں جست ءُ پرس: بلوچی لیوا یک جتائیں نمونگ ءِ شاتکامی ناچ ءُ ملئگ ات، اے بابت ءَ لیوا ءِ ایکسرپٹے ءَ گوں جست پرس گرگ بوت گڈا آئی ءَ گوشت کہ ایشی اندر ءَ پانزدھ مردم بنت، ایش شاتکامی ساھت ءَ برجم دارگ بیت۔ بلوچ راج ءِ اندر ءَ اے شاتکامی ءَ را دلے جھلانکاں گوں دوست دارگ بیت۔ آئی ءَ گوشت کہ کوھنیں مردم آنی گوشگ ءِ رد ءَ ایش دریا وردیں ماھیگ کش آں ماھیگ ءِ شکار ءَ پد وھد ءِ تیاب ءَ بانگواہ ءِ وھد ءَ اتکگ انت گڈا آواں ایشرا ٹھینتگ ءُ وتی وھد ءَ را تیلانک داتگ ءُ شاتکامی درشان اتگ۔
نماش ءَ چاریں صوبہ آں ہوار گلگت بلتستان ءُ کشمیر ءِ دود ءُ ربیدگ ءَ را پدر کنگ ءِ ھاترءَ اسٹال سمبائنگ بوتگ ات، سندھی میوزیکل نائٹ ءُ صوفی نائٹ ھم بست ءُ بند کنگ بوتگ ات۔ بلوچستان پویلین ءَ بلوچستان ءَ نندوکیں راج آنی دود ءُ ربیدگ ءِ سہرا کنگ ءِ ھاترا بلدکار ءُ شاہوکار آں وڑ وڑیں کلچر ایونٹ ٹھینتگ ءُ سیل کنوکیں راج آناں وتی نیمگ ءَ سک باز دلگوش کتگ ، بلوچستان پویلین ءَ بلوچستان ءَ نندوکیں راج آنی دود ءُ ربیدگ ءِ سہرا کنگ ءِ ھاترا بلدکار ءُ شاہوکار آں وڑ وڑیں کلچر ایونٹ ٹھینتگ ءُ سیل کنوکیں راج آناں وتی نیمگ ءَ سک باز دلگوش کتگ ۔ ایشانی تہ ءَ پشتو راج ءَ گوں بندوکیں دود، بلوچ ءُ برائوئی راج، ہزارہ راج ءِ دود آناں شریں وڑے ءَ دود ءُ ربیدگی ایونٹ کنگ ءُ پیش دارگ بوتگ انت۔
اے مراگش ءِ بنگیج بنجاھی وزیر شفقت محمود ءَ کت، بنجاہی حکومت اسلام آباد ءَ دھ روچی نماش “لوک ورثہ ” ءَ وتی دراہیں جلواناکیاں گوں بندات شش نومبر ءَ بوت۔ نماش ءَ چاریں صوبہ آں ہوار گلگت بلتستان ءُ کشمیر ءِ دود ءُ ربیدگ ءَ را پدر کنگ ءِ ھاترءَ اسٹال سمبائنگ بوتگ اَنت۔ ہمک دمگ ءِ اِزم کاراں وتی ازم ءِدرشانی کتگءُ نماش ءَ را جلواہ ناک کتگ کہ آئی ءِ تہ ءَ گوں بلوچستان ءَ سیادی داروکیں ازمکاراں بلوچی لیوا ءُ اتڑ کتگ۔ ایشی ءَ ابید بلوچستان پویلین ءَ بلوچی دود ءُ ربیدگ ءَ را پدر کنگ ءِ ھاترءَ اسٹال جوڑ کنگ بوتگ اَنت، کہ آئی ءِ تہ ءَ بلوچی دوچ، پیش ءِ سرءَ جوڑ بوتگیں سامان ، دمبورگ ءُ سروز، بلوچی چوٹ، بلوچی گدان ہوار بوتگ۔ بلوچی دود ءُ ربیدگ ءَ را گوں جوانی ءَ پدر کنگ ءُ دیمروئی دیئگ ءِ ھاترءَ سرجمیں بلوچستان ءَ چہ ازمکار ءُ شاہوکاریں توار کنگ ءُ آیانی ازم پیش دارگ بوتگ۔ پنجگور بلوچستان ءَ چہ سیادی داروکیں حمید احمد کہ کوہی پیشاں چہ ضلورت ءِ سامان جوڑ کنت، گشیت کہ منءَ بیست سال بیت کہ من کوہی پیش ءَ چہ سامان جوڑ کناں کہ آئی ءِ تہ ءَ تور، کپات، کُلا، کاشی، روپگ، بزبانی، پتراکی، مُسلاءُ تگرد ہوار اَنت۔ آ گیش گشیت کہ اے یک جوانیں اِزم اِت بلےاے ازم وہد ءِ گوما بیگواہ بوہان اِنت ءُ مے ورناہیں نسل ایشی ءَ چہ ناسرپد اَنت ،آئی ءَ گشتگ کہ لوک ورثہ ءِ ھمک سالی نماش ءَ مے ورناہ ایشی ءَ چہ سرپد بنت۔
لوک میلہ یک شمبے ءَ بیگاہ ءَ گڈ بوت پاکستانی دود ءُ ربیدگ ءِ دیمروئی ءُ رکھینگ ءِ واستہ لوک میلہ ءِ چیر دستی ءَ بست ءُ بند کتگیں شکرپڑیان ءَ برجم بوھوکیں 10 روچی دود ءُ ربیدگی لوک میلہ جاڑی انت ایش باندات یک شمبے ءِ بیگاہ ءَ گڈ بیت۔ میلہ ءَ ھوار پاکستان ءِ گیشتریں راج آنی دود ءُ ربیدگ وردن ءُ وراک ءُ پوشاک سمبھینگ ءُ بھا ءُ سیم کنگ بوتگ انت۔ سیل ءُ سوادی مردم آں اے میلہ ءَ را گوں دل ءِ جھلانکاں دوست ءُ واھگ داشتگ، چیا کہ ھمک پاکستانی راج ءَ ایشرا وتی راجی پجار ءُ دود ءُ ربیدگ ءِ یک مراگش ءِ شوہازتگ ءُ ایشی اندر ءَ روگ ءُ وتی دود ءُ ربیدگی وردن ءُ وراک آناں وارتگ ءُ کلچر ایونٹ آں چہ انجوامنٹ زرتگ۔ اے میلہ ءِ سر ءَ روکیں مردم بچکندان ءَ شتگ ءُ واتر آیوکیں مردم گل ءُ شاتی ءَ گوں واتر بوتگ ءُ وتی گس ءَ روان ءَ ھمے لوک میلہ ءِ اندر ءَ دیستگیں وتی وتی کوھنیں دود ءُ ربیدگی پجار ءُ استی ءِ بابت ءَ پہ پھر تران کنگ ءَ بوتگ انت۔ اے لوک میلہ ءِ ساھت ءَ پاکستانی شہری الس ءَ بگر درملکی شہری ءُ مہمان آں بھر زوری کتگ ءُ بنی آدمی زندمان ءِ گوازینگ ءِ وڑ وڑیں جوانیں سسا ساچ ءَ چہ دود ءُ ربیدگ ءِ بن زھ آناں گوں نزیک ءَ مارتگ ءُ چارتگ۔ اے میلہ ءِ ساھت ءَ ایس ءُ پیز آناں گوں مھکمی ءَ پد ءُ رند کنگ بوتگ۔ ایس ءُ پیز آنی پد ءُ رند ءِ ھاترا ٹائیگر فورس اوشتاتگ بوتگ، ٹائیگر فورس ءَ مردم آناں ایس ءُ پیز آنی نپ ءُ سیت ءِ بابت ءَ گشتانک داتگ۔ کورونا ءِ گر ءُ دار ءِ ھاترا ھاسیں بست ءُ بند اے مراگش ءِ اول سرئی کار بوتگ، مراگش ءِ اندر ءَ روگ ءَ پیسر مردم آناں چار ءُ تپاس ماسک ءِ بندگ المی کار بوتگ۔ راج ءَ اے مراگش ءَ را گوں دلے جھلانکاں گوں دوست داشتگ۔
گڈی مراگش ءَ گوں تران کنان ءَ ملک ءِ مستر ڈاکٹر عارف علوی ءَ گوشت دود ءُ ربیدگی مڈی ءَ را دیمروئی دیگ ءِ گوما فوک گلوکار ءُ روایتی دست ءِ سر ءَ چیز آنی جوڑیشتکاریں ازمکار آنی تجارتی تک ءَ سہرائی المی انت آئی ءَ گوشت کہ ملک ءَ دود ءُ ربیدگی مڈی آنی دیمروئی دیگ ءِ گوما فوک گلوکار ءُ روایتی دست کاری ازم ءَ را تجارتی ترتک ءَ سہرائی المی انت چیا کہ فوک گلوکار ءُ روایتی دست کار آں مئے دود ءُ ربیدگ ءَ را نمیران کتگ۔ صدر ء، مملکت ءَ اے گپ یک شمبے ءِ روچ ءَ ادا لوک مڈی ءَ 10 روچی لوک میلہ ءِ گڈ بوھگ ءِ پد ءَ گلوکار، دستکار ءُ ازمکاریں مردم آناں داد بھر ءُ بانگ کنگ ءِ مراگش ءَ گوں گشتانک دیان ءَ کت۔ اے موہ ءِ سر ءَ زالبول اول ثمینہ علوی، سیکرٹری راجی مڈی ءُ دود ءُ ربیدگی ڈویژن نوشین جاوید، لوک مڈی ءِ ایگزیکٹو ڈائریکٹر طلحہ علی خان، صوبائی محمکہ دود ءُ ربیدگ ءِ نماھند ءُ سرجمیں ملک ءَ چہ آیوکیں ازمکار ءُ بلدکار آنی یک مزنیں کساس ءِ اے وھد ءَ ساڑی ات۔ صدر ءِ مملکت ءَ گوشت کہ پاکستان دود ءُ ربیدگی مڈی ھاسیں رنگ ءَ بدہ مت ءِ بے کساسیں مڈی آنی ھوالگ ءَ یک جتائیں بستار ءِ دار ایت۔ آئی ءَ گوشت کہ فوک دود ءُ ربیدگی مڈی ءُ ربیدگ ءِ نمبگ سیل ءُ سوادی مردم آناں دلگوش کنگ ءِ یک ٹوھیں وسیلگ ات۔ سیل ءُ سوادی مردم کجام ھم راج ءِ راجدپتر ءُ دیمروئی ءَ را کد ءُ ماپ گرگ ءِ واستہ دود ءُ ربیدگی کوھیں ھند ءُ جاھ آناں ارزشتی لیک انت، صدر ءِ مملکت ءَ اے رد ءَ شریکیں مردم آناں وتی تجروبت آنی بابت ءَ سرپد کت۔ صدر ءِ مملکت ءَ آرٹ ورک ءِ نماش ءِ وستہ ایوان صدر ءِ لابی پجاری کنگ ءِ پشوکی ھم گوشت آھوادا مزن مزنیں ملکی ءُ گیر ملکی سروک تر ءُ تاب کن انت۔ صدر ءِ مملکت ءَ گوشت کہ آرٹ ءُ دود ءُ ربیدگ ءِ واستہ حکومت اچ کت نہ کنت اے رد ءَ نماش ءُ دود ءُ ربیدگی میلہ آنی بست ءُ بند المی ءُ ضلوری انت۔ ایشی ءَ چہ پیسر سیکرٹری نیشنل ہیریٹیج نوشین جاوید امجد ءَ گوشت کہ گوستگیں چیل سال آں چہ اے میلہ جاڑی انت ءُ ایشی ءِ وسیلگ ءَ فوک گلوکار ءُ راوایتی دستکاری ازم ءِ سہرائی کنگ بوھگ ءَ انت۔ آئی ءَ گوشت کہ اے میلہ ءِ ساھت دست ءَ چہ جوڑ کتگیں سامان آنی بھا ءُ سیم ءِ موہ رسگ ءَ انت۔ اے میلہ ءَ ھندی مردم آں ھوار سفارت کارآں ھم جھلانکیں واھگ داشتگ۔ آئی ءَ گوشت کہ 10 روچی میلہ پاکستان ءِ اکس کاری ءَ کنت۔ صدر ءِ مملکت ءَ ازمکار آناں داد ءُ ایوارڈ بھر ءُ بانگ کت انت۔
اے میلہ ءِ سر ءَ روکیں مردم بچکندان ءَ شتگ ءُ واتر آیوکیں مردم گل ءُ شاتی ءَ گوں واتر بوتگ ءُ وتی گس ءَ روان ءَ ھمے لوک میلہ ءِ اندر ءَ دیستگیں وتی وتی کوھنیں دود ءُ ربیدگی پجار ءُ استی ءِ بابت ءَ پہ پھر تران کنگ ءَ بوتگ انت۔ اے لوک میلہ ءِ ساھت ءَ پاکستانی شہری الس ءَ بگر درملکی شہری ءُ مہمان آں بھر زوری کتگ ءُ بنی آدمی زندمان ءِ گوازینگ ءِ وڑ وڑیں جوانیں سسا ساچ ءَ چہ دود ءُ ربیدگ ءِ بن زھ آناں گوں نزیک ءَ مارتگ ءُ چارتگ۔ اے میلہ ءِ ساھت ءَ ایس ءُ پیز آناں گوں مھکمی ءَ پد ءُ رند کنگ بوتگ۔ ایس ءُ پیز آنی پد ءُ رند ءِ ھاترا ٹائیگر فورس اوشتاتگ بوتگ، ٹائیگر فورس ءَ مردم آناں ایس ءُ پیز آنی نپ ءُ سیت ءِ بابت ءَ گشتانک داتگ۔ کورونا ءِ گر ءُ دار ءِ ھاترا ھاسیں بست ءُ بند اے مراگش ءِ اول سرئی کار بوتگ، مراگش ءِ اندر ءَ روگ ءَ پیسر مردم آناں چار ءُ تپاس ماسک ءِ بندگ المی کار بوتگ۔ راج ءَ اے مراگش ءَ را گوں دلے جھلانکاں گوں دوست داشتگ۔ شہری الس آں واھگ بندوک کتگ کہ مدام اے رنگیں مراگش بست ءُ بند کنگ بہ بیت۔ اے رنگیں مراگش ءَ چہ الس وتی کوھنیں یات ءُ زند مان ءِ گوازینگ ءِ بُنکی سسا ساچ آں گوں نزیک ءُ شر سرپد بیت۔
