چنیوٹ۔17نومبر (اے پی پی): ملک مستر ڈاکٹر عارف علوی ءَ گشتگ کہ اسلامءَ اللہ ءِ راھ ءَ حرچ کنگ ءِ درس دیئگ بوتگ، پاکستان ءَ نا نتا پلاحی کاراں مزنیں زرے حرچ کنگ بیت بلکیں ریاست مدینہ ءِ راستیں لیکہ ءِ پد ءَ است مندیں مردم اللہ ءِ راہ ءَ جان ءُ سلامتی، وانگ ءُ زانگ ءُ ایندگہ فلاحی کاراں انسانیت ءِ ھاترءَ کار کن اَنتءُ زر حرچ کن اَنت۔ سے شمبے ءِ نیمروچ ءَ انجمن اسلامیہ پاکستان ءِ سروکی ءَچینوٹ ءَ جو ڑ بوتگیں ویلفیئرکمپلیکس، سٹیٹ دی آرٹ آسراتی ءَ چہ سمبائنگ بوتگیں چمانی نادراہ جاہ ایل آر بی ٹی ءِ بُنگیج ءُ صداقت ماڈل سکول ءِ داد بھرءُبانگ کنگءِ مراگش ءَ گوں تران کتگءُ آئی ءَ گشتگ کہ پاکستانی آنی دل سک مزن اَنت، آ اے راج سکیں مہمان دوستیں راج اِت کہ ایشاں 35 لکھ ءَ چہ گیش اوگان لڑءُ باری وتی ملک ءَ باہوٹ کتگ اَنت، وہدے کہ ہروہدءَ مارا انسانیت ءِ درس دیئوکیں ہیومن رائٹس ءِمنوکیں ملک آں 100 اوگانی ہم باہوٹ کنگ ءَ مکن کتگ۔ آئی ءَگشتگ کہ اے پاکستانی راج اِنت کہ ایشی ءَ سال 2005 ءِ زمین چنڈ ءُ انوگیں کورونا وائرس ءَ آماچ بوتگیں مردمانی کمک کتگ ۔ آئی ءَگشتگ کہ1890 ءَ جوڑ بوہگ ءُ 1902 ءَ رجسٹریشن ءَ چہ تاں انوں انجمن اسلامیہ ءَ وتی کاراں چہ سرجمیں دنیاءَ عزت ءُ شرپ کٹ اِتگ ۔ آئی ءَ گشتگ کہ آ کس کہ زکوۃ، حرات ، چندہ ءُ صدقہ دیاں اللہ پاک امیچو گشادی ءَ گوں آیانی رزق ءَ برکت مان کنت۔ڈاکٹر عارف علوی ءَگشتگ کہ کورونا ءِہوپ پدا گیش بوہگ ءَاِنت مارا بازپرہیز کنگ لوٹ ایت ، ماسک کارمرز بہ کن اَنت، دستاں باربار سابن ءَ گوں 20 سکینڈ ءَ بوشود اَں ءُ مردماں چہ دور بہ باں۔ آئی ءَ گشتگ کہ مزن وزیر عمران خان ءَ یک پاپولیشن ٹاسک فورس جوڑ کتگ ءُ آئی ءَ را زمہ واری دیئگ بوتگ ، آ کوشست بہ کن اَنت کہ وتی زمہ واری جوان پیلو بہ کن اَنت۔
