اسلام آباد۔17نومبر (اے پی پی): دری کارانی کارگس ءَ اسرائیل ءَ رامنگ ءِ ھاترءَ پاکستان ءَ را تنچگ ءُ زور پردیئگ ءِ ہوالگ ءَ میڈیا رپورٹ دروگ لیک اِتگ ءُ گشتگ کہ اے دروگ اَنت ءُ ما ایشاں نامن اَنت۔ گوستگیں روچءَ میڈیارپورٹ ءَ گشگبوتگ کہ مزن وزیر ءَ گشتگ کہ پاکستان ءَ را امریکہ ءِ نیمگ ءَ تنچگ بوہگ ءَ اِنت کہ اسرائیل ءَ بہ من۔ دری کارانی کارگس ءِ جارچین محمد حفیظ چوہدری ءَ سے شمبے ءِ روچءَ اے ہوالگ ءَ یک جستے ءِ پسو داتگ ءُ اے رپورٹ آں دروگ لیک اِتگءُ نامن اِتگ ءُگشتگ کہ مزن وزیر ءَ پاکستان ءِ لیکہ ءَ رو تچک ءَ درشان کتگ ک ہ فلسطین ءِ جیڑہ ءَ را گیش ءُ گیوار ناکنگ ءَ پاکستان ایچ وڑءَاسرائیل ءَ را نامن ایت۔ مزن وزیر ء زور پِرداتگ ءُ گشتگ کہ اے ہوالگ ءَ پاکستان ءِ پالیسی قائداعظم ءِ وژن ءِ ردءَ اِنت۔ جارچین ءَ گشتگ کہ مزن وزیر ءِ بیان اے سرحال ءِ سرءَ پاکستان ءِ تچکیں عکس کشی ءَ کنت کہ ایشی ءِ تہ ءَ بےبُن ءُ دروگ ءِ ایچ گنجائش نیست۔ جارچین ءَ گشتگ کہ محکمیں امنءُ ایمنی ءِ ھاترءَ پاکستان 1967 ءَ چہ پیسر سیمسر ءُ القدس الشریف ءِ بنجاہی حکومت ءِ ارزشت ءَ اقوام متحدہ، او آئی سی ءِ تپاک نامہ ءُ میاں اوستمانی قانود ءِ ردءَ فلسطین ءِ دو ریاستی گیشءُ گیواری ءِ گامگیج ءِ ہمراہ داری ءَ کنت۔
