اسلام آباد۔ 17 نومبر (اے پی پی) چیئرمین سینیٹ محمد صادق سنجرانی ضلع خیبر اٹی ایوان بالا نا قائمہ کمیٹی سیفران نا چیئرمین سینیٹر تاج محمد آفریدی نا ایلم پنی آ پوریاگر راہشون ملک قابل شیر آفریدی نا ہڑزخواہی کن اونا باوہ پیرہ ئی آ علاقہ غا سرمس۔ چیئرمین سینیٹ محمد صادق سنجرانی پدسلوک آتون ہڑزخواہی کرسا ملک قابل شیر آفریدی ایماندار نا بخشش و درجہ غاتا بڑزی و پدسلوک آ خاہوت کن صبر و جمیل نا دعاکرے۔ چیئرمین سینیٹ پارے کہ ملک قابل شیر آفریدی نا کاروباری برادری و علاقہ نا شونداری کن خذمت آتے مدام یات تخنگک۔ او عظیم صفت آتا مالک انسان اس ئس چیئرمین سینیٹ زرس وخت غمزدہ خاہوت تون گدریفے۔ ہڑزخواہی کن چیئرمین سینیٹ محمد صادق سنجرانی تون اوار سینیٹرز سجاد حسین طوری، میر محمد یوسف بادینی، ڈاکٹر اشوک کمار، محمد جاوید عباسی، محمد علی خان سیف، احمد خان، فدامحمد، محمد ایوب ، مرزا محمد آفریدی، ہلال الرحمن، محسن عزیز، محمد طلحہ محمود، ذیشان خانزادہ، دلاور خان، بہرہ مند خان تنگی, ہدایت اللہ ، شمیم آفریدی و پنی آ راجی شخصیت عبدالقادر ونعمان خان ئسک ہم اوار ئسر۔
