اسلام آباد۔ 17 نومبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ بلاول نا جذباتی بیانک منطق و راستکی تیان چپ ءُ، اپوزیشن ءِ گچین کاری تیان پد تینا شکست ءِ امنا کپننگ نا خراب انگا روایت ءِ ہلوئی مریک۔ سے شنبے نادے آ تینا ٹویٹ اٹی بنجائی وزیر سینیٹر شبلی فراز پارے کہ داوڑنا رویہ جمہوری قدر آن چپ ءِ۔ جمہوریت نا لیکچر تروک آک جمہوری وڑءِ تینا کیر۔ اوپارے کہ وونٹ ءِ شرف ایتبو نا نعرہ خلوک آک گلگت بلتستان نا الس نا وونٹ ءِ عزت تننگ کن تیار افس؟ اوپارے کہ جی بی ٹی غٹ سروے پاکستان تحریک انصاف نا سرسہبی و عمران خان ءِ مقبول راہشون اس نشان تسوسر، تدوک آ دہ سال اٹی گلگت بلتستان نا الس کن ہچ اس کپروک آتے وونٹ امر ملاکہ۔
