اسلام آباد۔ 17 نومبر (اے پی پی) ملک اٹی پٹرولیم مصنوعات نا جم پیداوار اٹی اینخو مالی سال انا اولیکو سہ ماہی ٹی تدوک آ مالی سال انا ہندا وخت انا مقابلہ ٹی 2.75 درسد نا ودکی مسنے وخت اس کہ گازلیٹ نا تیل انا پیدوار 35.35 درسد زیات مسنے۔ پاکستان بیورو شماریات نا کنڈآن جاری کروک آ حساب وکتاب نا رداٹ داوخت اٹی موٹرسپرٹ نا پیدوار اٹی 18.04 درسد، ہائی اسپیڈ ڈیزل نا پیدوار اٹی 10.20درسد و ایل پی جی نا پیداوار اٹی 7.9 درسد نا ودکی مون آ بسنے ولے جیٹ فیول آئل نا پیدوار اٹی 42.68 درسد، ڈیزل آئل نا پیداوار اٹی 62.43درسد، فرنس آئل نا پیداوار اٹی 0.73 درسد و لبریکیٹنگ آئل نا پیداوار اٹی 40.01 درسد نا کمتی مون آ بسنے۔ ستمبر 2020 ٹی ستمبر 2019 ء نا مقابلہ ٹی پٹرولیم مصنوعات آتا پیدوار اٹی 2.84 درسد نا ودکی مسنے۔ دا تُو اٹی گالزیٹ نا تیل انا پیداوار اٹی 13.45 درسد، موٹرسپرٹ نا پیداوار اٹی 5.38 درسد و ایل پی جی نا پیداوار اٹی 9.65 درسد ودکی مسوسس۔
